लग्नात विघ्न, सप्तपदी सुरू असतानाच उफाळलं गँगवॉर, बेछूट गोळीबार, २ जणांचा मृत्यू

By ऑनलाइन लोकमत | Updated: November 30, 2025 11:49 IST2025-11-30T11:47:55+5:302025-11-30T11:49:15+5:30

Punjab Crime News: लग्नसमारंभासाठी उपस्थित असलेल्या दोन गँगमधील गुंडांमध्ये ऐन सप्तपदीच्यावेळी काही कारणाने अचानक गँगवॉर उसळून झालेल्या गोळीबारात २ जणांचा मृत्यू झाल्याची घटना पंजाबमधील लुधियाना येथे घडली आहे.

Wedding disruption, gang war breaks out while Saptapadi is underway, indiscriminate firing, 2 people die | लग्नात विघ्न, सप्तपदी सुरू असतानाच उफाळलं गँगवॉर, बेछूट गोळीबार, २ जणांचा मृत्यू

लग्नात विघ्न, सप्तपदी सुरू असतानाच उफाळलं गँगवॉर, बेछूट गोळीबार, २ जणांचा मृत्यू

लग्नसमारंभासाठी उपस्थित असलेल्या दोन गँगमधील गुंडांमध्ये ऐन सप्तपदीच्यावेळी काही कारणाने अचानक गँगवॉर उसळून झालेल्या गोळीबारात २ जणांचा मृत्यू झाल्याची घटना पंजाबमधील लुधियाना येथे घडली आहे. शनिवारी रात्री हा लग्न सोहळा असताना काही कारणावरून या दोन्ही गँगमधील गुंडांनी एकमेकांवर गोळीबार केला. त्यात २ जणांचा जागीच मृत्यू झाला तर दोघे जण जखमी झाले आहे. या घटनेनंतर लग्नस्थळी गोंधळाचं वातावरण निर्माण झालं. घटनेची माहिती मिळताच पोलीस तातडीने घटनास्थळी दाखल झाले आणि तपासाला सुरुवात केली. या गोळीबारात जखमी झालेल्यांना तातडीने रुग्णालयात दाखल करण्यात आले आहे.

याबाबत मिळालेल्या अधिक माहितीनुसार पंजाबमधील लुधियाना येथील पखोवार रोड येथे एक लग्नसोहळा होता. या लग्नाला दोन गँगचे लोक उपस्थित होते. यादरम्यान, दोन्ही गटांमध्ये काही कारणांवरून वाद झाला. त्यानंतर गोळीबारास सुरुवात झाली. या गोळीबारामध्ये २ जणांचा मृत्यू झाला. तर दोघेजण जखमी झाले, पोलिसांनी दोघांचेही मृतदेह ताब्यात घेऊन शवविच्छेदनासाठी पाठवले आहेत.

मात्र गोळीबार करणाऱ्या व्यक्तींना अद्याप अटक करण्यात आलेली नाही. हा लग्नसोहळा ज्या ठिकाणी सुरू होता. त्या हॉलमध्ये भांडी धुण्याचं काम करणाऱ्या व्यक्तीने सांगितले की,  रात्री सुमारे १ ते २ वाजेपर्यंत इथे पार्टी सुरू होती. त्यानंतर सप्तपदीची तयारी सुरू असतानाच गोळीबार झाला. आता या प्रकरणी पोलीस अधिक तपास करत आहेत. 

Web Title : लुधियाना में शादी में गैंगवार, दो की मौत

Web Summary : पंजाब के लुधियाना में एक शादी समारोह में गैंगवार हो गया, जिसमें दो लोगों की मौत हो गई और दो घायल हो गए। सप्तपदी के दौरान गोलीबारी हुई, जिससे अफरा-तफरी मच गई। पुलिस मामले की जांच कर रही है।

Web Title : Gang war erupts at wedding, two dead in Ludhiana

Web Summary : A gang war broke out during a wedding in Ludhiana, Punjab, leaving two dead and two injured. The shooting occurred amidst the ceremony, causing chaos. Police are investigating the incident, which happened between rival gangs.

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.