भारताच्या राष्ट्रपती द्रौपदी मुर्मू यांच्या वृंदावन दौऱ्याच्या पार्श्वभूमीवर मथुरा प्रशासनाने माकडांचा उपद्रव रोखण्यासाठी एक अनोखी शक्कल लढवली आहे. राष्ट्रपतींच्या सुरक्षेसाठी आणि त्यांना माकडांच्या त्रासापासून वाचवण्यासाठी बांके बिहारी मंदिर परिसरात ठिकठिकाणी काळ्या तोंडाच्या वानरांचे कटआउट्स लावण्यात आले आहेत.
वृंदावनमधील बांके बिहारी मंदिर आणि आसपासचा परिसर माकडांच्या उपद्रवासाठी ओळखला जातो. येथील माकडे भाविकांचे मोबाईल आणि विशेषतः चष्मे चोरी करण्यात माहीर आहेत. राष्ट्रपतींच्या दौऱ्यादरम्यान कोणतीही गैरसोय होऊ नये, यासाठी प्रशासनाने हे पाऊल उचलले आहे. माकडे वानरांना घाबरतात, हे ओळखून राष्ट्रपतींच्या मार्गावर आणि मंदिराच्या छतावर वानरांचे मोठे कटआउट्स लावण्यात आले आहेत.
प्रशिक्षित कर्मचारी
केवळ कटआउट्सवर न थांबता, वन विभागाचे कर्मचारी वानरांचे मुखवटे घालून आणि आवाज काढून माकडांना पळवून लावण्याचे काम करत आहेत. राष्ट्रपती मुर्मू या बांके बिहारींचे दर्शन घेण्यासाठी आणि एका विशेष कार्यक्रमात सहभागी होण्यासाठी वृंदावनमध्ये येत आहेत.
प्रशासनाची तयारी
मथुरा जिल्हा दंडाधिकारी आणि पोलीस अधीक्षकांनी या दौऱ्यासाठी कडेकोट बंदोबस्त तैनात केला आहे. माकडांमुळे राष्ट्रपतींच्या ताफ्यात किंवा त्यांच्या चालण्यात अडथळा येऊ नये, यासाठी 'मंकी स्क्वॉड' देखील सक्रिय करण्यात आला आहे.
चष्मा चोरून काय करतात?
ही माकडे प्रचंड हुशार आहेत. भाविकांचे चष्मे चोरून ही माकडे त्यांच्याकडे खायच्या पदार्थांची मागणी करतात. खासकरून माझा सारखी पेये मागतात. हे दिल्यानंतर ही माकडे त्या व्यक्तीचा चष्मा परत करतात.
Web Summary : To protect President Murmu during her Vrindavan visit, Mathura administration is deploying monkey cutouts. Monkeys often steal glasses, demanding food in return. Trained staff will also deter them.
Web Summary : वृंदावन में राष्ट्रपति मुर्मू की यात्रा के दौरान, मथुरा प्रशासन ने बंदरों से बचाने के लिए बंदरों के कटआउट लगाए हैं। बंदर चश्मे चुराकर खाने की मांग करते हैं। प्रशिक्षित कर्मचारी भी तैनात।