सोनिया गांधी, राहुल गांधी यांच्या अडचणी वाढल्या, नॅशनल हेरॉल्ड प्रकरणात नवीन एफआयआर दाखल

नॅशनल हेराल्ड प्रकरणात सोनिया गांधी आणि राहुल गांधी यांच्या अडचणी वाढल्या आहेत. ३ ऑक्टोबर रोजी दिल्ली पोलिसांनी त्यांच्याविरुद्ध नवीन एफआयआर दाखल केला, यामध्ये सहा इतर व्यक्ती आणि तीन कंपन्यांविरुद्ध गंभीर आरोप करण्यात आले.

नॅशनल हेराल्ड प्रकरणात काँग्रेस नेत्या सोनिया गांधी आणि काँग्रेस नेते राहुल गांधी यांच्या अडचणी वाढल्या आहेत. त्यांच्याविरुद्ध नवीन एफआयआर दाखल करण्यात आली आहे. सोनिया गांधी आणि राहुल गांधी यांच्यासह इतर सहा व्यक्तींवर गंभीर आरोप करण्यात आले आहेत. एफआयआरमध्ये इतर तीन कंपन्यांची नावे देखील आहेत.

नॅशनल हेराल्ड प्रकरणाची चौकशी पूर्ण केल्यानंतर, ईडीने दिल्ली पोलिसांना आपला अहवाल सादर केला. दिल्ली पोलिसांनी ३ ऑक्टोबर रोजी एफआयआर दाखल केली.

मुंबई-पुणे कॉरिडॉर : भारताच्या नव्या सेवा अर्थव्यवस्थेचा बूस्टर, नीती आयोगाचा अहवाल

एफआयआरनुसार, काँग्रेस पक्षाशी संलग्न असलेली कंपनी एजेएल फसवणूक करून ताब्यात घेण्याचा गुन्हेगारी कट रचल्याचा आरोप आहे. ईडीच्या तक्रारीवरून ३ ऑक्टोबर रोजी एफआयआर दाखल करण्यात आला. ईडीने आपला तपास अहवाल दिल्ली पोलिसांना दिला. पीएमएलएच्या कलम ६६(२) अंतर्गत, ईडी कोणत्याही एजन्सीला अनुसूचित गुन्हा नोंदवण्यास सांगू शकते.

एफआयआरमध्ये सोनिया गांधी, राहुल गांधी, सॅम पित्रोदा आणि इतर तिघांची नावे आरोपी म्हणून आहेत, तसेच तीन कंपन्या आहेत. यामध्ये एजेएल, यंग इंडियन आणि डोटेक्स मर्चंडाइज प्रायव्हेट लिमिटेड या कंपन्यांचा समावेश आहे.