आज, १७ फेब्रुवारी २०२६ रोजी वर्षातील पहिले सूर्यग्रहण लागले आहे. हे वलयाकार सूर्यग्रहण असून खगोलशास्त्रामध्ये याला 'रिंग ऑफ फायर' से म्हटले जाते. दुपारी ३ वाजून २६ मिनिटांनी सुरू झालेले हे ग्रहण सायंकाळी ७ वाजून ५७ मिनिटांपर्यंत चालणार आहे.
जेव्हा चंद्र हा सूर्य आणि पृथ्वीच्या दरम्यान अशा प्रकारे येतो की सूर्याचा मधला भाग पूर्णपणे झाकला जातो, पण कडा मात्र प्रकाशित राहतात, तेव्हा आकाशात एक चमकणाऱ्या सोन्याच्या कड्यासारखा आकार तयार होतो. यालाच 'रिंग ऑफ फायर' म्हणतात. आजच्या ग्रहणात चंद्र सूर्याचा ९६ टक्के भाग झाकून टाकणार आहे. सायंकाळी ५:१३ ते ६:११ या दरम्यान हे ग्रहण त्याच्या सर्वोच्च बिंदूवर असेल. अंटार्टिकावरून हे ग्रहण पूर्णपणे कंकणाकृती दिसणार आहे.
भारतात दिसणार का? सुतक काळ लागेल का?
हे सूर्यग्रहण भारतात दिसणार नाही. ज्योतिषशास्त्रानुसार, जे ग्रहण डोळ्यांना दिसत नाही, त्याचा धार्मिक प्रभाव मानला जात नाही. त्यामुळे भारतात कोणताही 'सुतक काळ' पाळण्याची गरज नाही. नागरिक आपली दैनंदिन कामे आणि पूजा-अर्चा नित्यनियमाने करू शकतात.
राशींवर काय परिणाम होईल?
हे ग्रहण कुंभ राशी आणि धनिष्ठा नक्षत्रात लागत आहे. ज्योतिष अभ्यासकांच्या मते, जरी हे ग्रहण भारतात दिसत नसले, तरी जागतिक स्तरावर राजकीय आणि आर्थिक घडामोडींवर याचा प्रभाव पडू शकतो.
काय काळजी घ्यावी?
जिथे हे ग्रहण दिसणार आहे (दक्षिण अमेरिका, अंटार्क्टिका इ.), तिथे लोकांनी उघड्या डोळ्यांनी सूर्याकडे पाहू नये. सौर चष्म्याचा वापर करणे अनिवार्य आहे. ग्रहण संपल्यानंतर स्नान करून दानधर्म करणे धार्मिकदृष्ट्या शुभ मानले जाते.
Web Summary : The first solar eclipse of 2026, a 'Ring of Fire,' occurs on February 17th. Visible from Antarctica, it won't be seen in India, thus no Sutak Kaal applies. Astrologers predict global political and economic impacts. Use solar glasses where visible.
Web Summary : 17 फरवरी 2026 को साल का पहला सूर्य ग्रहण, 'रिंग ऑफ़ फायर' लगेगा। अंटार्कटिका से दिखने वाला, यह भारत में नहीं दिखाई देगा, इसलिए कोई सुतक काल नहीं है। ज्योतिषियों का कहना है कि इसका वैश्विक राजनीतिक और आर्थिक प्रभाव पड़ सकता है। जहाँ दिखे, वहां सोलर चश्मे का प्रयोग करें।