स्वामी अविमुक्तेश्वरानंद यांना मोठा दणका! लैंगिक शोषण प्रकरणी FIR दाखल करण्याचे कोर्टाचे आदेश

Swami Avimukteshwaranand FIR sexual exploitation: नेमके काय आहे प्रकरण? त्यांच्यावर कसले आरोप? वाचा सविस्तर

Swami Avimukteshwaranand FIR sexual exploitation: प्रयागराज येथील ज्योतिषपीठाचे शंकराचार्य स्वामी अविमुक्तेश्वरानंद सरस्वती यांच्यावरील लैंगिक शोषणाच्या आरोपांप्रकरणी एडीजे बलात्कार आणि पोक्सो विशेष न्यायालयाने एक महत्त्वपूर्ण आदेश जारी केला आहे. न्यायालयाने झुंसी पोलिस ठाण्याला स्वामी अविमुक्तेश्वरानंद सरस्वती आणि त्यांचे शिष्य स्वामी मुकुंदनंद गिरी यांच्यावरील आरोपांवर एफआयआर नोंदवून चौकशी करण्याचे निर्देश दिले आहेत. स्वामी अविमुक्तेश्वरानंद यांनी हे आरोप खोटे असल्याचे म्हटले आहे आणि या प्रकरणात लवकरात लवकर कार्यवाही सुरू करण्याची मागणी केली आहे.

एडीजे पॉक्सो न्यायालयाचा आदेश

न्यायमूर्ती विनोद कुमार चौरसिया यांनी त्यांच्या आदेशात म्हटले आहे की एडीजे पॉक्सो कायद्यांर्गत दोन्ही आरोपींविरुद्ध गुन्हा दाखल करावा आणि योग्य तपास करावा. न्यायालयाच्या निर्देशानंतर झुंसी पोलिस ठाण्यात एफआयआर नोंदवून पुढील कारवाई केली जाईल. या आदेशामुळे स्वामी अविमुक्तेश्वरानंद सरस्वती यांच्या अडचणी वाढू शकतात, अशी चर्चा रंगली आहे.

नेमके प्रकरण काय?

शाकुंभरी पीठाधीश्वर आणि श्री कृष्ण जन्मभूमी मुक्ती निर्माण ट्रस्टशी संबंधित आशुतोष ब्रह्मचारी यांनी २८ जानेवारी रोजी कलम १७३(४) अंतर्गत याचिका दाखल केली आणि एफआयआर नोंदवण्याची मागणी केली. स्वामी अविमुक्तेश्वरानंद सरस्वती यांच्या आश्रमात अल्पवयीन मुलांचे लैंगिक शोषण होते असा आरोप त्यांनी केला आहे. या संदर्भात त्यांनी न्यायालयात एक सीडी सादर केल्याचा दावाही केला आहे. १३ फेब्रुवारी रोजी आरोप करणाऱ्या दोन अल्पवयीन मुलांचे जबाब व्हिडिओग्राफीसह न्यायालयात नोंदवण्यात आले. न्यायालयाने पोलिस अहवालाचीही दखल घेतली आणि सुनावणीनंतर निर्णय राखून ठेवला. आता, न्यायालयाने एफआयआर नोंदवण्याचे आदेश दिले आहेत.

स्वामी अविमुक्तेश्वरानंद काय म्हणाले?

स्वामी अविमुक्तेश्वरानंद यांनी आरोपांवर प्रतिक्रिया दिली. त्यांनी सांगितले की हे आरोप खोटे आहेत. सत्य लवकरच बाहेर येईल. ते म्हणाले की, त्यांच्याविरुद्ध खोटा खटला दाखल करण्यात आला आहे. त्यांनी न्यायालयाला विलंब टाळण्याची आणि शक्य तितक्या लवकर कार्यवाही सुरू करण्याची विनंती केली. आम्ही आरोपांचा सामना करू; आमच्यावरील आरोप मागे घेण्यासाठी आम्ही योगी आदित्यनाथ नाही. अविमुक्तेश्वरानंद म्हणाले की पोलिस तपासावर आमचा विश्वास नाही. या प्रकरणाची उच्चस्तरीय चौकशी झाली पाहिजे.