ऑनलाइन लोकमत
अहमदाबाद, दि. 3 - दरियापूर परिसरात काही लोकांनी जबरदस्तीने जोधपूरमधील एका 26 वर्षीय तरुणाचे केस कापून टक्कल केलं. केस कापणारे दुसरे कोणाही नाही तर हा 26 वर्षीय तरुण ज्या मुलीची भेट घेण्यासाठी गेला होता त्या मुलीचे नातेवाईक होते. घटनेनंतर तरुणाने कोणतीही तक्रार करण्यास नकार दिला असल्याचं करंज पोलिसांनी सांगितलं आहे.
रविवारी दुपारी काही लोक तरुणाला पोलीस ठाण्यात घेऊन गेले आणि त्याचं मुंडण केलं. या तरुणाला लोकांकडून जाब विचारला जात असल्याचा एक व्हिडीओ सोशल मीडियावर व्हायरला झाला आहे. अगोदर तरुणाला दरियापूर पोलीस ठाण्यात नेण्यात आलं, पण घटनास्थळ करंज पोलीस ठाण्याच्या अंतर्गत येत असल्याचं लक्षात आल्यानंतर त्याला करंज पोलीस ठाण्यात नेण्यात आलं.
तरुण जोधपूरचा रहिवासी असून दिल्लीत नोकरी करत असल्याचं लोकांनी सांगितलं आहे. मिर्जापूर परिसरातील गेस्ट हाऊसमध्ये तो थांबला होता. दरियागंज परिसरात राहणा-या आपल्या मैत्रिणीला त्याने शनिवारी भेटण्यासाठी बोलावलं होतं. पण त्याआधीच मुलीच्या नातेवाईकांना त्याला पकडलं आणि जबदस्ती करत त्यांचं मुंडण केलं.
"तरुण आणि तरुणी दोघेही जोधपूरचे रहिवासी आहेत. गेल्या अडीच वर्षांपासून ते एकमेकाला ओळखतात. तरुणीच्या कुटुंबियांनी याअगोदरही त्याला तरुणीला न भेटण्याची धमकी दिली होती. मात्र तरुणी सतत त्याच्या संपर्कात होती. तिला भेटण्यासाठीच तो दिल्लीहून आला होता", अशी माहिती पोलिसांनी दिली आहे. तक्रार केल्यास काय शिक्षा होऊ शकते याची माहिती देऊनदेखील तरुणाने तक्रार करण्यास नकार दिल्याचं पोलिसांनी सांगितलं आहे.