पोलिसांवर दगडफेक! 12 महिलांसह 75 जणांना अटक; जयपूरमध्ये मध्यरात्री नेमकं काय झालं?

या घटनेत अनेक पोलीस कर्मचारी जखमी झाले आहेत.

जयपूर : राजस्थानची राजधानी जयपूरजवळील चौमूं येथे मशिदीच्या अतिक्रमणावरून सुरू झालेला वाद हिंसक वळणावर पोहोचला. गुरुवारी मध्यरात्रीनंतर दोन गटांमध्ये तणाव वाढला अन् पोलिसांवरदगडफेक करण्यात आली. या घटनेत अनेक पोलीस कर्मचारी जखमी झाले. परिस्थिती नियंत्रणात आणण्यासाठी पोलिसांना अश्रुधुराच्या नळकांड्या वापराव्या लागल्या. याप्रकरणी सुमारे 75 जणांना ताब्यात घेण्यात आले आहे. तणावपूर्ण वातावरणामुळे परिसरात इंटरनेट सेवा तात्पुरत्या स्वरूपात बंद करण्यात आल्या आहेत.

#WATCH | Jaipur, Rajasthan: Security forces were deployed after a stone pelting incident in Chomu.

DCP West, Jaipur, Hanuman Prasad Meena says, "There is a Kalandari Mosque here where a dispute over encroachment had been ongoing for quite some time. One party voluntarily… pic.twitter.com/Ag8VkRbAA7

— ANI (@ANI) December 26, 2025

अतिक्रमण हटवण्यावरून वाद

डीसीपी हनुमान प्रसाद मीणा यांनी दिलेल्या माहितीनुसार, चौमूं येथील कलंदरी मशीद परिसरात अतिक्रमणासंदर्भात बराच काळ वाद सुरू होता. मशिदीबाहेर ठेवलेले दगड हटवण्याच्या मुद्द्यावरून दोन गटांमध्ये वाद वाढला आणि गुरुवारी रात्री अचानक तणाव निर्माण झाला. एका पक्षाने स्वेच्छेने अतिक्रमण हटवले होते. मात्र, काही लोकांनी लोखंडी अँगल्स लावून ते पुन्हा कायमस्वरूपी उभारण्याचा प्रयत्न केला. 

Heavy stone pelting on police during action to remove traffic-obstructing stones near mosque in Jaipur, Rajasthan.

The team arrived with bulldozer to remove stones for traffic improvement.

Muslims gathered, protested, and resorted to heavy stone pelting on police vehicles.… pic.twitter.com/wE36KnoUVQ

— Angry Saffron (@AngrySaffron) December 26, 2025

पोलिसांनी हे संरचनात्मक साहित्य हटवण्यास सुरुवात करताच दगडफेक झाली. काही व्यक्तींनी पोलिसांवर दगडफेक सुरू केल्याने परिस्थिती चिघळली. जमाव पांगवण्यासाठी पोलिसांनी अश्रुधुराच्या नळकांड्या फोडल्या. या हिंसक झटापटीत अर्धा डझनहून अधिक पोलीस जखमी झाल्याची माहिती आहे. पोलिसांनी कारवाई करत दगडफेक करणाऱ्यांना ताब्यात घेतले असून, त्यात सुमारे डझनभर महिलांचाही समावेश आहे.

#WATCH | Jaipur, Rajasthan: Police detained some people following the incident of stone pelting in Chomu. Heavy security deployed. https://t.co/oo30MVUGccpic.twitter.com/J7IGcKr96M

— ANI (@ANI) December 26, 2025

चौमूं बसस्थानक परिसर पोलिस छावणीत रूपांतरित

घटनास्थळी कायदा-सुव्यवस्था राखण्यासाठी चौमूं बसस्थानक व आजूबाजूचा परिसर पोलिस छावणीत रूपांतरित करण्यात आला आहे. अनेक वरिष्ठ अधिकारी घटनास्थळी दाखल झाले असून, परिस्थितीवर बारकाईने नजर ठेवली जात आहे. सध्या परिस्थिती नियंत्रणात असल्याचे प्रशासनाने सांगितले. शांतता आणि सुव्यवस्था राखण्यासाठी प्रशासनाने इंटरनेट सेवा बंद करण्याचा निर्णय घेतला आहे. प्रशासन नागरिकांना संयम राखण्याचे आवाहन करत असून, अफवांवर विश्वास न ठेवण्याचे आणि सहकार्य करण्याचे आवाहन करण्यात आले आहे.