Latest National News | National Marathi News | Latest National News in Marathi | राष्ट्रीय: ताज्या मराठी बातम्या

नवी दिल्ली : जम्मू आणि काश्मीरचे माजी मुख्यमंत्री ओमर अब्दुल्ला यांनी त्यांना व त्यांच्या कुटुंबीयांना पुन्हा नजरकैदेत ठेवल्याचा आराेप केला आहे. ओमर अब्दुल्ला यांनी घरासमाेरील काही छायाचित्रे ट्वीट करत सरकारवर टीका केली आहे. अब्दुल्ला यांनी केलेल्या ट्विटमध्ये दाेन फाेटाे शेअर केले आहेत. त्यांच्या घरासमाेर दाेन वाहने उभी असल्याचे त्यात दिसत आहेत. त्यापैकी एक बुलेटप्रूफ वाहन आहे. या ट्विटमध्ये त्यांनी लिहिले, की ऑगस्ट २०१९ नंतरचा हा नवा जम्मू आणि काश्मीर आहे. काेणत्याही कारणाविना आम्ही घरात बंद आहाेत. विद्यमान खासदार असलेल्या माझ्या वडिलांना आणि मला त्यांनी आमच्या घरात नजरकैदेत ठेवले आहे. माझी बहीण आणि तिच्या मुलांनाही त्यांनी तिच्या घरात नजरकैदेत ठेवले आहे. हे वाईट आहे. त्यानंतर अब्दुल्ला यांनी आणखी एक ट्विट करून हे लाेकशाहीचे एक नवे माॅडेल असल्याचे म्हटले आहे. अब्दुल्ला यांनी लिहिले, की हे तुमचे डेमाेक्रेसीचे नवे माॅडेल आहे. म्हणजे काेणतेही स्पष्टीकरण न देता आम्हाला आमच्याच घरात नजरकैदेत ठेवले आहे. एवढेच नव्हे तर घरात काम करणाऱ्यांनाही आत येऊ दिले जात नाही. तुम्ही आश्चर्यचकित झाले असला. परंतु, मला याचा खूप राग येत आहे.

National (Marathi News)

Petrol Diesel Cylinder price hike : काही ठिकाणी पेट्रोल-डिझेलच्या दरानं गाठली शंभरी, एलपीजी सिलिंडरचीही मोठी दरवाढ ...

Crime News : भररस्त्यात काही अज्ञातांनी सुशांतच्या भावासह आणखी एका व्यक्तीवर गोळ्या झाडल्या होत्या. ...