गोमांस खाणारे जवाहर नेहरू ‘पंडित’ नव्हते, भाजपा आमदाराचं वादग्रस्त वक्तव्य

वादग्रस्त वक्तव्यांसाठी प्रसिद्ध असलेले राजस्थानमधील भाजपाचे आमदार ज्ञानदेव आहुजा पुन्हा एकदा चर्चेत आले आहेत.

नवी दिल्ली : वादग्रस्त वक्तव्यांसाठी प्रसिद्ध असलेले राजस्थानमधील भाजपाचे आमदार ज्ञानदेव आहुजा पुन्हा एकदा चर्चेत आले आहेत. आहुजा यांनी जवाहरलाल नेहरू हे पंडित नव्हते. जे नेहरू गोमांस खायचे ते 'पंडित' असूच शकत नाही, असं वादग्रस्त वक्तव्य केलं आहे. 

#WATCH: BJP MLA Gyan Dev Ahuja says, "Nehru was not a Pandit. One who ate beef and pork, cannot be a Pandit". (10.08.18) pic.twitter.com/faltELOAgr

— ANI (@ANI) August 11, 2018

शुक्रवारी काँग्रेसवर टीका करताना आहुजा थेट नेहरूंवर घसरले. जवाहरलाल नेहरू हे कधीच पंडित नव्हते. ते गोमांस आणि डुकराचेही मांस खायचे. गोमांस खाणारा व्यक्ती पंडित कसा काय? असं आहुजा म्हणाले. काँग्रेस अध्यक्ष राहुल गांधी हे राजस्थान दौऱ्यावर आहेत. ते राज्यातील महत्त्वाच्या मंदिरांमध्ये जाणार आहेत. राहुल यांच्या या दौऱ्यावरही आहुजा यांनी टीका केली. दरम्यान, आहुजा यांची वादग्रस्त विधान करण्याची ही पहिली वेळ नाही. याआधी देखील त्यांनी गोतस्करी आणि मॉब लिंचिंगच्या घटनांबाबत अनेकदा वादग्रस्त वक्तव्य केली आहेत.