अंमली पदार्थ नियंत्रण विभागाने (एनसीबी) मुंबईमध्ये एका मोठ्या आंतरराष्ट्रीय ड्रग्स रॅकेटचा पर्दाफाश केला आहे. एनसीबीने मुंबईमध्ये धडाकेबाज कारावी करत सुमारे ३४९ किलो वजनाचे हायग्रेड कोकेन जप्त केले आहे. आंतरराष्ट्रीय बाजारामध्ये या कोकेनची किंमत तब्बल १७४५ कोटी रुपये एवढी आहे. स्वत: केंद्रीय गृहमंत्री अमित शाह यांनी या संदर्भात सोशल मीडियावर पोस्ट करत माहिती दिली आहे.
या संदर्भात माहिती देताना केलेल्या पोस्टमध्ये अमित शाह यांनी लिहिले की, अंमली पदार्थांची तस्करी करणारी साखळी मोडून काढण्याचा आम्ही ठाम निर्धार केला आहे. अंमली पदार्थ नियंत्रण विभागाने नुकताच मुंबईमध्ये एका मोठ्या रॅकेटचा पर्दाफाश केला असून, या कारवाईत तब्बल १७४५ कोटी रुपये किंमत असलेलं ३४९ किलो हाय ग्रेड कोकेन जप्त करण्यात आलं आहे. अंमली पदार्थांच्या एका छोट्या साठ्याचा शोध घेताना त्यावरून तस्करीच्या एका मोठ्या जाळ्याला उद्ध्वस्त करण्याच्या बॉटम टू टॉप कारवाईचं हे एक उदाहरण आहे. या यशस्वी कारवाईसाठी अंमली पदार्थ नियंत्रण विभागाचे (एनसीबी) मी अभिनंदन करतो, अशा शब्दात अमित शाह यांनी या कारवाईचं कौतुक केलं आहे.
Web Summary : Mumbai's NCB busted an international drug racket, seizing 349 kg of high-grade cocaine worth ₹1745 crore. Home Minister Amit Shah lauded the operation, highlighting it as an example of dismantling drug networks from the ground up.
Web Summary : मुंबई में एनसीबी ने एक अंतरराष्ट्रीय ड्रग्स रैकेट का भंडाफोड़ किया, जिसमें ₹1745 करोड़ मूल्य की 349 किलोग्राम उच्च श्रेणी की कोकीन जब्त की गई। गृह मंत्री अमित शाह ने इस अभियान की सराहना की और इसे जमीनी स्तर से ड्रग नेटवर्क को खत्म करने का एक उदाहरण बताया।