कंधारात अल्प पावसाचा पेरणीचा डाव

श�

��तकर्‍यांची साहित्य बी-बियाणे खरेदीसाठी लगबग
कंधार : निसर्ग संकटाने कंटाळलेल्या शेतकर्‍यांनी मोठ्या धाडसाने अल्प पावसावर पेरणीचा डाव सुरू केला आहे़ रविवारी पेरणीचा मुहूर्त साधला असून अमावस्यानंतर जोमाने पेरणी करण्यासाठी बी-बियाणे, खते, साहित्य खरेदीसाठी शेतकर्‍यांनी गर्दी केल्याचे चित्र आहे़
निसर्ग आपत्तीला शेतकरी पुरता वैतागून गेला आहे़ तरीही शेतीशिवाय अन्य पर्याय नसल्याने शेतीवर जीव लावणे क्रमप्राप्त आहे़ मागील वर्षापासून निसर्ग संकटाचा ससेमिरा लागल्याने शेतकर्‍यांची आर्थिक कोंडी झाली आहे़ परंतु सरासरी पावसाचे प्रमाण चांगले राहील़ या भाकिताने आता आनंद द्विगुणित झाला आहे़ मागील वर्षीचे दुष्काळ, गारपीट आदीला पाठीमागे टाकत नव्या जोमाने शेतीत रमण्याचा संकल्प दिसून येत आहे़ कारणही तसेच घडत असून तूरळक, हलका, मध्यम पावसाने हुरूप आला आहे़
तालुक्यात कंधार, बारूळ, फूलवळ, पेठवडज, कुरुळा, उस्माननगर या ठिकाणच्या पर्जन्यमापक कंेद्रावर पावसाची नोंद केली गेली़ त्यानुसर निसर्ग पाऊस पेरणीसाठी अनुकूल राहणाऱ असेच वाटत असल्याने दमदारपणे पेरणीचा मुहूर्त साधण्यात अनेक शेतकर्‍यांनी कसर सोडली नाही़ २ जून रोजी सरासरी २ मि़मी़ पाऊस झाला़ ७ जूनला सुमारे ४ मि़मी़, ८ जूनला ११ मि़मी, १० जूनला २ मि़मी़, १२ जूनला १७ मि़मी़, १३ जूनला ३० मि़मी़ आणि १४ जूनला ५ मि़मी़ असा २ ते १४ जून या कालावधीत ७३़७३ मि़मी़ सरासरी पाऊस झाला़
शाळेचे सत्र सुरू होण्यास व पेरणीचा हंगाम एकाचवेळी आला आहे़ त्यामुळे शेतकर्‍यांची भलतीच धांदल होत आहे़ परंतु ढगाळ वातावरण आणि दररोज पावसाची हजेरी होत असल्याने शेतकर्‍यांच्या आशा पल्लवीत झाल्याने पेरणीला सुरुवात झाली आहे़ त्यात कापूस लागवड अधिक आहे़