अमेरिका आणि इस्राइलने इराणवर केलेल्या हल्ल्यामुळे सध्या आखाती देशांमध्ये तणावपूर्ण परिस्थिती निर्माण झाली आहे. तसेच या तणावादरम्यान, इराणने होर्मुझच्या सामुद्रधुनीमधून जाणाऱ्या व्यापारी मार्गात अडथळे आणल्याने जगभरात होणाऱ्या इंधन पुरवठ्यावर विपरित परिणाम झाला आहे. तसेच त्याचा परिणाम भारतामध्येही दिसू लागला आहे. तसेच अदानी टोटल गॅसने औद्योगिक गॅसची किंमत तब्बल तिप्पटीने वाढवून थेट ४० रुपयांवरून ११९ रुपये प्रति स्टँडर्ड क्युबिक मीटरवर नेली आहे. त्यामुळे हे टंचाईचं संकट अधिक काळ सुरू राहिल्यास उद्योग, शेती, वीज आणि दररोजच्या वापरातील अनेक गोष्टी कमालीच्या महाग होऊ शकतात.
२८ फेब्रुवारीला अमेरिका आणि इस्राइलने इराणवर हल्ला केल्यानंतर इराणच्या इस्लामिक रिव्होल्युशनरी गार्ड कोअरने होर्मुझच्या सामुद्रधुनीतील मार्ग हा जहाजांसाठी धोकादायक असल्याची घोषणा केली होती. जगभरातील इंधनाच्या पुरवठ्यापैकी बहुतांश पुरवठा हा याच मार्गाने होत असल्याने जागतिक इंधनाच्या बाजारात खळबळ उडाली. तसेच येथून होणाऱ्या वाहतुकीमध्ये मोठ्या प्रमाणात घट झाली. त्यामुळे अनेक टँकर समुद्रातच उभे राहिले. तसेच जगभरातील इंधन पुरवठा विस्कळीत झाला.
याचदरम्यान, २ मार्च रोजी झालेल्या ड्रोन हल्ल्यानंतर कतारला आपल्याकडील एलएनजीचं उत्पादन थांबवावं लागलं. हे जगातील सर्वात मोठं एलएनजी निर्यात केंद्र असल्याचं मानलं जातं. तसेच भारत कतारमधूनच दरवर्षी २.७ कोटी टन एवढा एलएनजी आयात करतो. जे भारताच्या एलएनजीच्या आयातीच्या ४० टक्के एवढे प्रमाण आहे. त्यामुळे कतारच्या या निर्णयामुळे येत्या काळात भारतात एलएनजीच्या किमती आणखी भडकू शकतात. भारतात एलएनजीचा सर्वाधिक वापर हा उद्योगांमध्ये होत असल्याने याचा परिणाम देशातील एकूण महागाईवर होऊ शकतो. तसेच दैनंदिन वापरातील अनेक वस्तू महागू शकतात.
Web Summary : Middle East tensions and disrupted LNG supply from Qatar are driving prices up. Industrial gas costs have tripled, potentially impacting industries, agriculture, power, and everyday expenses in India.
Web Summary : मध्य पूर्व तनाव और कतर से बाधित एलएनजी आपूर्ति से कीमतें बढ़ रही हैं। औद्योगिक गैस की लागत तीन गुना हो गई है, जिससे भारत में उद्योग, कृषि, बिजली और दैनिक खर्च प्रभावित हो सकते हैं।