जहाजाच्या कंटेनरमध्ये भारतीय नागरिक?

>एसेक्स : ब्रिटनमधील ऐसेक्स काऊंटीच्या टिलबरी बंदरात जहाजातून उतरविण्यात आलेल्या एका कंटेनरमध्ये शनिवारी 35 लोक आढळून आले. यापैकी एकाचा मृत्यू झाला, तर उर्वरितांना रुग्णालयात दाखल करण्यात आले आहे. हे लोक भारतीय वंशाचे असल्याचे सांगण्यात येते. मात्र याला अधिकृत दुजोरा मिळू शकला नाही. हे बंदर लंडनचे प्रमुख बंदर म्हणून ओळखले जाते.