India-Russia Talks: भारत आणि तालिबान एकाच मंचावर येणार? 'या' विषयावर चर्चा होण्याची शक्यता

By ऑनलाइन लोकमत | Published: October 14, 2021 08:26 PM2021-10-14T20:26:31+5:302021-10-14T20:27:34+5:30

India Will Participate in Russia Talks Involving Taliban on October 20 : रशियाने गुरुवारी सांगितले की,  20 ऑक्टोबर रोजी अफगाणिस्तानवरील मॉस्को मसुद्याच्या बैठकीसाठी तालिबानच्या प्रतिनिधींना आमंत्रित करण्यात येईल. भारतही या बैठकीत सहभागी होणार आहे.

India Will Participate in Russia Talks Involving Taliban on October 20, Confirms MEA | India-Russia Talks: भारत आणि तालिबान एकाच मंचावर येणार? 'या' विषयावर चर्चा होण्याची शक्यता

India-Russia Talks: भारत आणि तालिबान एकाच मंचावर येणार? 'या' विषयावर चर्चा होण्याची शक्यता

Next

नवी दिल्ली : भारत पुढील आठवड्यात तालिबानशी संबंधित बैठकीत भाग घेणार आहे, असे भारताच्या परराष्ट्र मंत्रालयाने गुरुवारी सांगितले. दरम्यान, ही बैठक रशियाने आयोजित केली आहे. रशियाने गुरुवारी सांगितले की,  20 ऑक्टोबर रोजी अफगाणिस्तानवरील मॉस्को मसुद्याच्या बैठकीसाठी तालिबानच्या प्रतिनिधींना आमंत्रित करण्यात येईल. भारतही या बैठकीत सहभागी होणार आहे. भारताच्या परराष्ट्र मंत्रालयाचे प्रवक्ते म्हणाले, "आम्हाला 20 ऑक्टोबर रोजी अफगाणिस्तानवरील मॉस्को मसुद्याच्या बैठकीचे आमंत्रण मिळाले आहे, आवश्यकतेनुसार आम्ही बैठकीत भाग घेऊ." (India Will Participate in Russia Talks Involving Taliban on October 20, Confirms MEA)

रशिया व्यतिरिक्त तालिबान आणि भारत, चीन, पाकिस्तान आणि इराण हे देश सुद्धा  मॉस्को चर्चेत सहभागी होणार आहेत. तालिबान सत्तेवर आल्यानंतर अफगाणिस्तानवरील मॉस्को चर्चेची ही पहिली बैठक असणार आहे. रशियाच्या राजधानीतील ही बैठक औपचारिकपणे तालिबान आणि भारताला समोरासमोर आणू शकते, असे मानले जात आहे. दरम्यान, असे झाल्यास अफगाणिस्तानवर कब्जा मिळवल्यानंतर तालिबानसोबत भारताची ही पहिली औपचारिक बैठक असेल.

दरम्यान,  मॉस्को चर्चेनंतर, रशियाने अफगाणिस्तानच्या मुद्द्यांवर चर्चा करण्यासाठी ट्रोइका प्लस- रशिया, अमेरिका, चीन आणि पाकिस्तानची बैठक घेण्याचेही ठरवले आहे. रशियन परराष्ट्र मंत्रालयाच्या प्रवक्त्याच्या म्हणण्यानुसार, मॉस्को अफगाणिस्तानमध्ये दाएश/आयएसआयएसच्या कारवायांबद्दल चिंतित आहे. या चर्चेचे मॉस्को प्रामुख्याने अफगाणिस्तानातील दहशतवादाच्या वाढत्या धोक्यावर लक्ष केंद्रित करेल अशी अपेक्षा आहे.

गेल्या महिन्यात झालेल्या राष्ट्रीय सुरक्षा सल्लागारांच्या नेतृत्वाखाली अफगाणिस्तान समस्येवरील पहिल्या भारत-रशिया उच्चस्तरीय यंत्रणा बैठकीत हा मुद्दा ठळकपणे मांडला होता. दोन्ही बाजूंनी अफगाणिस्तानमधील सुरक्षा धोक्यांशी जवळून समन्वय साधण्याचा निर्णय घेतला आणि त्यांच्या गुप्तचर संस्था आणि सैन्यामधील सहकार्य वाढवण्यावर सहमत झाले होते.

English summary :
India Will Participate in Russia Talks Involving Taliban on October 20, Confirms MEA

Web Title: India Will Participate in Russia Talks Involving Taliban on October 20, Confirms MEA

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app