उत्तर प्रदेशातील हाथरस येथे यमुना एक्स्प्रेसवेवर एक भीषण अपघात झाला आहे. या अपघातात ६ जणांचा जागीच मृत्यू झाला असून इतर ७ जण गंभीर जखमी असल्याचं सांगण्यात येत आहे. जखमींना तातडीने उपचारासाठी रुग्णालयात दाखल करण्यात आलं आहे. एका भरधाव डबल डेकर बसने पुढे जाणाऱ्या इको कारला पाठीमागून जोरदार धडक दिल्याने हा अपघात झाला. घटनेची माहिती मिळताच पोलिसांनी घटनास्थळी धाव घेतली.
मिळालेल्या माहितीनुसार, हा अपघात हाथरस जिल्ह्यातील सादाबाद कोतवाली परिसरातील गढी हरिया गावाजवळ झाला. पाठीमागून येणाऱ्या सुसाट बसने कारला धडक दिली, ज्यामध्ये कारचा पूर्णतः चक्काचूर झाला आहे. या अपघातात ६ जणांच्या मृत्यूची पुष्टी झाली असून पोलिसांनी मृतांची ओळख पटवली आहे. मृतांमध्ये राजस्थानच्या धोलपूरमधील एक दाम्पत्य आणि आग्रा येथील बाह परिसरातील एका दाम्पत्याचा समावेश आहे.
घटनेची माहिती देताना अप्पर पोलीस अधीक्षक रामानंद कुशवाह यांनी सांगितलं की, "हा भीषण अपघात पहाटे ४ वाजेच्या सुमारास घडला. डबल डेकर बस दिल्लीहून गोरखपूरच्या दिशेने जात होती. सादाबाद परिसरातील गढी हरिया गावाजवळ पोहोचताच, चालकाचं वाहनावरील नियंत्रण सुटलं आणि बसने पुढच्या कारला जोरात धडक दिली."
ही धडक इतकी भीषण होती की इको कारचे प्रचंड नुकसान झालं. अपघातानंतर एक्स्प्रेसवेच्या एका लेनवरील वाहतूक पूर्णपणे विस्कळीत झाली होती. घटनेची माहिती मिळताच अप्पर पोलीस अधीक्षक (ASP) रामानंद कुशवाहा, एसडीएम मनीष चौधरी आणि तहसीलदार मोठ्या पोलीस ताफ्यासह घटनास्थळी पोहोचले. पोलिसांनी स्थानिक नागरिकांच्या मदतीने कारमध्ये अडकलेल्या जखमींना बाहेर काढून रुग्णालयात दाखल केलं. या दुर्घटनेत ६ जणांचा जागीच मृत्यू झाला होता, तर ७ जण सध्या मृत्यूशी झुंज देत आहेत.
Web Summary : Six people died and seven were seriously injured on the Yamuna Expressway in Hathras after a speeding double-decker bus collided with a car. The deceased include couples from Rajasthan and Agra. Police are investigating the accident, which disrupted traffic.
Web Summary : हाथरस में यमुना एक्सप्रेसवे पर एक तेज रफ्तार डबल डेकर बस ने एक कार को टक्कर मार दी, जिसमें छह लोगों की मौत हो गई और सात गंभीर रूप से घायल हो गए। मृतकों में राजस्थान और आगरा के जोड़े शामिल हैं। पुलिस दुर्घटना की जांच कर रही है, जिससे यातायात बाधित हो गया।