एका भयंकर व्यक्तीने राहुल गांधींना अजून मजबूत केलं, सोनिया गांधींची नरेंद्र मोदींवर अप्रत्यक्ष टीका 

'राहुल गांधीने लहानपणापासून खूप सोसलं आहे. त्याने राजकारणात आल्यावर अशा भयंकर व्यक्तीचा सामना केला ज्याने त्याला अजून निर्भय आणि मजबूत केलं', असं म्हणत काँग्रेसच्या मावळत्या अध्यक्ष सोनिया गांधी यांनी नरेंद्र मोदींवर अप्रत्यक्ष टीका केली.

ठळक मुद्देराहुल गांधी यांनी आज काँग्रेस अध्यक्षपदाची सुत्रं हाती घेतलीकार्यकर्त्यांना संबोधित करताना सोनिया गांधी यांनी भाजपावर जोरदार टीका केलीयावेळी इंदिरा गांधीबद्दल बोलताना त्या भावूक झालेल्या दिसल्या

नवी दिल्ली - 'राहुल गांधीने लहानपणापासून खूप सोसलं आहे. त्याने राजकारणात आल्यावर अशा भयंकर व्यक्तीचा सामना केला ज्याने त्याला अजून निर्भय आणि मजबूत केलं', असं म्हणत काँग्रेसच्या मावळत्या अध्यक्ष सोनिया गांधी यांनी नरेंद्र मोदींवर अप्रत्यक्ष टीका केली. राहुल गांधी यांनी आज काँग्रेस अध्यक्षपदाची सुत्रं हाती घेतली आहेत.  काँग्रेसचे केंद्रीय निवडणूक समितीचे अध्यक्ष मुल्लापल्ले रामचंद्रन यांनी राहुल गांधींना अध्यक्षपदाचं प्रमाणपत्र देत, सूत्रं सोपवली. यावेळी माजी अध्यक्ष सोनिया गांधी, माजी पंतप्रधान मनमोहन सिंह, यांच्यासह काँग्रेसचे सर्व दिग्गज नेते उपस्थित होते. यावेळी कार्यकर्त्यांना संबोधित करताना सोनिया गांधी यांनी आपल्या राजकीय प्रवासाबद्दल सांगितलं. तसंच भाजपा सरकारवरही जोरदार टीका केली. 

Rahul is my son, so I do not think for me to praise him is right but I would say that since childhood he had to bear the brunt of violence, after joining politics he had to face blatant personal attacks, that have made him a stronger person: Sonia Gandhi pic.twitter.com/0B1XzHvp6g

— ANI (@ANI) December 16, 2017

'राहुल गांधी माझा मुलगा असल्याने त्याचं कौतुक करणं चुकीचं ठरेल. लहानपाणासून त्याने दुख: सोसलं आहे. राहुलने राजकारणात आल्यावर अशा भयंकर व्यक्तीचा सामना केला ज्याने त्याला अजून निर्भय आणि मजबूत केलं आहे. मला त्याच्या सहनशीलतेचा गर्व वाटतो. मला पुर्ण विश्वास आहे की पक्षाचं नेतृत्व तो योग्य पद्धतीने करेल', असा विश्वास सोनिया गांधींनी व्यक्त केला. 

Since 2014 we have been playing the role of opposition, the challenge that we face today, is the biggest one, our constitutional values are being attacked, our party has also lost many elections but our party will never bow down: Sonia Gandhi pic.twitter.com/GFoxWcizp0

— ANI (@ANI) December 16, 2017

In 1984, Indira ji was assassinated and I felt I had lost my mother and that incident changed my life forever: Sonia Gandhi pic.twitter.com/eJQRT5BQSa

— ANI (@ANI) December 16, 2017

20 वर्षांपूर्वी काँग्रेस अध्यक्षपदाची धुरा हाती घेताना माझे हात थरथरत होते अशी आठवण त्यांनी यावेळी सांगितली. 'ज्या कुटुंबात मी आले ते एक क्रांतिकारी कुटुंब होतं. इंदिरा गांधी त्याच कुटुंबाच्या सदस्य होत्या. इंदिरा गांधींनी मला मुलीप्रमाणे वागवलं.  भारताच्या संस्कृतीशी ओळख करुन दिली. इंदिरा गांधींच्या हत्येनंतर आई दुरावल्याची माझी भावना होती. त्यानंतर माझं आयुष्य पालटलं', हे सांगताना सोनिया गांधी भावूक झाल्या होत्या. यादरम्यान फटाक्यांच्या आवाजामुळे दोन वेळा सोनिया गांधींना भाषण थांबवावं लागलं. 

#WATCH: While addressing at AICC, Sonia Gandhi interrupted by the noise of incessant fireworks, says, 'I can't speak' pic.twitter.com/xjBrgYigdK

— ANI (@ANI) December 16, 2017

'इंदिरांच्या हत्येनंतर सात वर्षांनी माझ्या पतीचीही हत्या झाली, माझा आधार माझ्यापासून हिसकावला. पक्ष अडचणीत असल्याने मला पक्षाच्या कार्यकर्त्यांचा आवाज ऐकू आला. आपलं कर्तव्य समजत मी राजकारणात आले', असं त्या म्हणाल्या.

'मी काँग्रेस अध्यक्षपदाची सूत्रं स्वीकारली त्यावेळी आमच्याकडे फक्त 3 राज्य होती, केंद्राची सत्ता दूर होती. पण नंतर आम्ही डझनपेक्षा जास्त राज्यात सत्ता मिळवली. जेवढं मोठं आव्हान आज आपल्यासमोर आहे, तेवढं कधीच नव्हतं. आव्हानं खूप आहेत, पण आम्ही घाबरणारे नाहीत, झुकणारे नाहीत', असा विश्वास त्यांनी व्यक्त केला.

Hum darne walon mein se nahi hain, jhukne wale nahi hain, humara sangharsh is desh ki ruh ke liye sangharsh hai. hum iss se kabhi peeche nahi hatenge : Sonia Gandhi pic.twitter.com/OdF80SzcGj

— ANI (@ANI) December 16, 2017