'नेतन्याहू यांना आलिंगन देणे भ्याडपणा'; पीएम मोदींच्या इस्त्रायल दौऱ्यावर प्रियांका गांधींचा निशाणा

पंतप्रधान नरेंद्र मोदी इस्रायल दौऱ्यावर आहेत. त्यांच्या दौऱ्यावर आता काँग्रेसने टीका केली. जयराम रमेश यांनी नेतन्याहू यांच्यासोबतच्या भेटीला "नैतिक भ्याडपणा" म्हटले आहे, तर प्रियांका गांधी यांनी इस्रायली संसदेत गाझा हत्याकांडाचा मुद्दा उपस्थित करण्याची मागणी केली आहे.

पंतप्रधान नरेंद्र मोदी यांच्या दोन दिवसांच्या इस्रायल दौऱ्यावर काँग्रेसने बुधवारी टीका केली. 'संपूर्ण जग इस्रायलचे पंतप्रधान बेंजामिन नेतान्याहू यांच्यावर टीका करत असताना, पंतप्रधान मोदींनी त्यांच्या 'प्रिय मित्रा' सोबत केलेली भेट नैतिक भ्याडपणा दर्शवते. काँग्रेसच्या सरचिटणीस प्रियांका गांधी वड्रा यांनीही निशाणा साधला. पंतप्रधान इस्रायली संसदेत भाषण करतील आणि गाझामधील हजारो निष्पाप पुरुष, महिला आणि मुलांचा 'नरसंहार' उल्लेख करतील आणि त्यांच्यासाठी न्याय मागतील अशी त्यांना आशा आहे, असा टोला प्रियांका गांधी यांनी लगावला.

"मी हस्तक्षेप केला नसता, तर पाकिस्तानी पंतप्रधानांचा जीव गेला असता!"; डोनाल्ड ट्रम्प यांचा खळबळजनक दावा

काँग्रेसचे सरचिटणीस जयराम रमेश यांनी पंतप्रधान मोदी त्यांच्या इस्रायली समकक्षाला आलिंगन देत असल्याचा आरोप केला. त्यांनी नेतन्याहू यांच्यावर गाझा बेकायदेशीरपणे मोडून टाकण्याचा आणि व्यापलेल्या वेस्ट बँकमध्ये बेकायदेशीर वसाहतींचा विस्तार करण्याचा कट रचल्याचा आरोप केला. काही प्रमुख घटनांचा उल्लेख करून रमेश यांनी भारताच्या ऐतिहासिक भूमिकेची आठवण करून दिली.

२० मे १९६०- माजी पंतप्रधान जवाहरलाल नेहरू यांनी गाझाला भेट दिली आणि तेथे तैनात असलेल्या संयुक्त राष्ट्रांच्या आपत्कालीन दलाच्या भारतीय तुकडीची भेट घेतली.

२९ नोव्हेंबर १९८१- भारताने पॅलेस्टाईनशी एकता दर्शविण्यासाठी एक स्मारक टपाल तिकिट जारी केले.

१८ नोव्हेंबर १९८८- भारताने पॅलेस्टाईनला स्वतंत्र राष्ट्र म्हणून औपचारिक मान्यता दिली.

On May 20 1960, Jawaharlal Nehru was in Gaza and met with the Indian contingent of the UN Emergency Force there.

On Nov 29 1981, India issued a commemorative postage stamp in solidarity with Palestine.

On Nov 18 1988, India formally recognised the state of Palestine.

That… pic.twitter.com/J0RDHoEVEH

— Jairam Ramesh (@Jairam_Ramesh) February 25, 2026

सोशल मीडिया प्लॅटफॉर्म 'एक्स'वर बोलताना जयराम रमेश यांनी लिहिले, "तो काळ वेगळा होता. आता भारताचे पंतप्रधान उघडपणे इस्रायली पंतप्रधानांना आलिंगन देत आहेत, त्यांनी गाझा बेचिराख केला आहे. जेव्हा संपूर्ण जग त्यांच्या 'प्रिय मित्रावर' टीका करत आहे, तेव्हा श्री मोदी नैतिक भ्याडपणा दाखवत असतील." त्यांनी सरकारवर पॅलेस्टिनींना केवळ ढोंगी आणि वरवरचा पाठिंबा देत असल्याचा आरोप केला, परंतु प्रत्यक्षात त्यांनी त्यांना त्यांच्या नशिबावर सोडून दिले आहे, असंही जयराम रमेश म्हणाले.

प्रियांका गांधी यांनी न्यायासाठी आवाहन केले

काँग्रेसच्या सरचिटणीस प्रियांका गांधी वड्रा यांनीही या मुद्द्यावर भाष्य केले. पंतप्रधान मोदी इस्रायली संसदेत भाषण करतील आणि गाझामधील परिस्थितीवर चर्चा करतील अशी आशा त्यांनी व्यक्त केली. प्रियांका गांधी यांनी सोशल मीडिया प्लॅटफॉर्म 'एक्स'वर पोस्ट केली. यामध्ये "मला आशा आहे की त्यांच्या आगामी इस्रायल दौऱ्यात, माननीय पंतप्रधान नरेंद्र मोदी नेसेटला भाषण करतील आणि गाझामधील हजारो निष्पाप पुरुष, महिला आणि मुलांच्या हत्याकांडावर चर्चा करतील आणि त्यांच्यासाठी न्यायाची मागणी करतील, असंही गांधी यांनी या पोस्टमध्ये म्हंटले आहे. एक स्वतंत्र राष्ट्र म्हणून, भारताने त्याच्या इतिहासात जे योग्य आहे त्यासाठी उभे राहिले आहे. आपण जगाला सत्य, शांती आणि न्यायाचा प्रकाश दाखवत राहिले पाहिजे, असंही प्रियांका गांधी म्हणाल्या.

I hope that the Hon Prime Minister @narendramodi ji mentions the genocide of thousands of innocent men, women and children in Gaza while addressing the Knesset on his upcoming trip to Israel and demands justice for them. India has stood for what is right throughout our history as…

— Priyanka Gandhi Vadra (@priyankagandhi) February 25, 2026