दिल्लीस्फोटात अनेक लोकांचा मृत्यू झाला तर काही जण जखमी झाले. जखमींमध्ये उत्तर प्रदेशातील देवरिया येथील रहिवासी शिवा जयस्वाल याचाही समावेश आहे. भलुअनी बाजारात रेडिमेड कपड्याचं दुकान चालवणारा शिवा स्फोटात जखमी झाल्याची माहिती कुटुंबीयांना टीव्हीवर बातम्या पाहिल्यानंतर मिळाली. यानंतर कुटुंबीय तातडीने दिल्लीला रवाना झाले.
शिवा जयस्वाल जखमी झाल्याचं समजताच नातेवाईकांना मोठा धक्का बसला आहे. शिवा हा कुटुंबातील एकुलता एक मुलगा आहे, त्याला चार बहिणी आहेत. त्याला वडील नाहीत आणि त्याची आई माया जयस्वाल कॅन्सरग्रस्त आहे. शिवाची बहीण रंजना जयस्वालने दिलेल्या माहितीनुसार, भाऊ ९ नोव्हेंबरच्या रात्री बसने दिल्लीला गेला होता. कुटुंबाला टीव्हीवर पाहिल्यानंतर तो जखमी झाल्याचं कळलं. शिवाचं रेडिमेड कपड्याचं दुकान आहे आणि तो कपडे खरेदी करण्यासाठी बसने दिल्लीला गेला होता.
"४ वर्षांपूर्वी घरातून निघून गेला, आम्हाला..."; अटक केलेल्या डॉक्टरच्या आईचा धक्कादायक खुलासा
शिवा बाजारात खरेदी करत असताना अचानक स्फोट झाला. त्याच्या बहिणींपैकी एक बहीण दिल्लीत राहते. ही बातमी मिळताच संपूर्ण कुटुंबाला काळजी वाटली आणि ते लगेच दिल्लीला रवाना झाले. सध्या शिवा रुग्णालयात दाखल आहे, जिथे त्याच्यावर उपचार सुरू आहेत. या घटनेमुळे कुटुंबावर दुहेरी संकट आलं आहे, कारण त्याची आई आधीच कॅन्सरशी झुंज देत आहे.
"आम्ही गेट उघडलं आणि पळत सुटलो..."; दिल्ली स्फोटादरम्यान प्रत्यक्षदर्शीने कसा वाचवला जीव?
अमरोहा जिल्ह्यातील हसनपूर येथील रहिवासी अशोक कुमार (३४) यांचा दिल्लीतील लाल किल्ल्याजवळ झालेल्या स्फोटात मृत्यू झाला. दिल्लीत बस कंडक्टर म्हणून काम करणारे अशोक ड्युटीवरून घरी परतत असताना ही घटना घडली. अशोक त्याच्या कुटुंबाचा एकमेव आधार होते. त्यांच्या वडिलांचं आधीच निधन झालं होतं. या प्रकरणाचा अधिक तपास केला जात आहे.
Web Summary : A family in Uttar Pradesh faces immense hardship. Their son, Shiva, the sole brother to four sisters, was injured in the Delhi blast. His father is deceased, and his mother battles cancer, adding to their distress. Another man, Ashok Kumar, died in the blast, leaving his family without support.
Web Summary : उत्तर प्रदेश में एक परिवार भारी कठिनाइयों का सामना कर रहा है। चार बहनों का इकलौता भाई, शिवा, दिल्ली विस्फोट में घायल हो गया। उनके पिता की मृत्यु हो चुकी है, और उनकी माँ कैंसर से जूझ रही हैं, जिससे उनका दुख और बढ़ गया है। एक अन्य व्यक्ति, अशोक कुमार की विस्फोट में मौत हो गई, जिससे उनका परिवार बेसहारा हो गया।