दिल्ली आग: मृतांच्या कुटुंबीयांना भाजपकडून 5 तर केजरीवाल यांच्याकडून 10 लाखाची मदत

मुख्यमंत्री अरविंद केजरीवाल यांनी घटनास्थळी भेट दिल्यांनतर जखमींची विचारपूस करण्यासाठी ते रुग्णालयात पोहचले आहे.

नवी दिल्ली -दिल्लीतील अनाज मंडी परिसरात झालेल्या भीषण अग्नितांडवात 43 जाणांचा बळी गेला आहे. पोलिस प्रशासन आणि अग्निशमन विभागाकडून बचावकार्य सुरू असून 56 हून अधिक लोकांना बाहेर काढण्यात आले आहे. त्याचबरोबर या घटनेनंतर दिल्लीचे मुख्यमंत्री अरविंद केजरीवाल यांनी नुकसानभरपाई जाहीर केली आहे.

मुख्यमंत्री अरविंद केजरीवाल यांनी घटनास्थळी भेट दिल्यांनतर जखमींची विचारपूस करण्यासाठी ते रुग्णालयात पोहचले आहे. या घटनेनंतर मुख्यमंत्री केजरीवाल यांनी मृतांच्या कुटुंबियांना 10 लाख रुपयांची नुकसान भरपाई जाहीर केली आहे. याशिवाय जखमींना 1 लाख रुपयांची भरपाई जाहीर केली. त्याचबरोबर अरविंद केजरीवाल म्हणाले की, जखमींवर मोफत उपचार केले जातील.

Delhi CM Arvind Kejriwal: It is a very sad incident. I have ordered a magisterial inquiry into it. Compensation Rs 10 lakhs each to be given to families of those dead and Rs 1 lakh each to those injured. The expense of medical treatment of those injured to be borne by the govt. pic.twitter.com/JytAD9iMOj

— ANI (@ANI) December 8, 2019

याशिवाय दिल्लीचे भाजप प्रदेशाध्यक्ष मनोज तिवारीही घटनास्थळी पोहोचले. मनोज तिवारी यांनी घटनेबद्दल दु: ख व्यक्त केले आणि मृतांच्या कुटुंबीयांना 5 लाख रुपये देण्याची घोषणा केली. याशिवाय जखमींना 25 हजार रुपये देणार असल्याचे ते म्हणाले.

BJP MP from North East Delhi, Manoj Tiwari visits Delhi fire incident site,says,"It's a sad incident. As per initial info,fire broke out due to short circuit.BJP will provide financial assistance of Rs5 lakhs each to families of those who have lost their lives&Rs25000 to injured" pic.twitter.com/yl0XQ2YvGr

— ANI (@ANI) December 8, 2019

दिल्लीतील राणी झांशी रोडवरील अनाज मंडी परिसरात आज पहाटे हे भीषण अग्नितांडव घडले. या परिसरात असलेल्या एका तीन मजली बेकरीतील वरच्या मजल्यावर पहाटे पाच वाजता आग लागली. त्यानंतर ही आग संपूर्ण इमारतीत पसरली. हा भाग दाटीवाटीचा असल्याने मदत आणि बचाव कार्यात अडथळे येत होते. तसेच ही आग आणि धुराचे लोळ आजुबाजूच्या इमारतीत पसरल्याने अनेकजण धुरामध्ये गुदरमले. दरम्यान, आगीची माहिती मिळताच अग्निशमन दलाचे जवान तातडीने घटनास्थळी दाखल झाले.