Air India Plane Crash: चित्रपट निर्माता बेपत्ता! विमान पडलेल्या ठिकाणाजवळ मोबाइलचं शेवटचं लोकेशन

Air India Plane Crash Update: एअर इंडियाच्या विमानाचा अपघात झाला, त्यावेळेपासून एक चित्रपट निर्माता बेपत्ता आहे. त्यांचे शेवटचे मोबाईल लोकेशन अपघाताच्या ठिकाणाजवळचं आढळून आले आहे. 

Plane Crash Update: एअर इंडियाच्याविमानाचा अहमदाबाद विमानतळाजवळअपघात झाला. ज्या वेळी हा अपघात झाला तेव्हापासून गुजरातमधील एक चित्रपट निर्माता बेपत्ता आहे. त्यांच्याशी संपर्कच होत नसल्याने कुटुंबीयांनी पोलीस ठाण्यात धाव घेतली. त्यांच्या मोबाईलचे शेवटचे लोकेशन शोधण्यात आले, ते विमान पडले तिथून ७०० मीटर अंतरावर दिसले. त्यामुळे कुटुंबीय घाबरून गेले आहेत. प्रशासनाने कुटुंबीयांचे डीएनए चाचणीसाठी नमुने घेतले आहेत. 

'लोकमत'चं WhatsApp चॅनल फॉलो करा!

एअर इंडियाचे एआय १७१ हे विमान अहमदाबाद विमानतळावरून उड्डाण केल्यानंतर काही क्षणात कोसळले. हे विमान मेघानी नगर या नागरी भागातच पडले. त्यामुळे विमानातील प्रवाशांबरोबर त्या परिसरात असलेल्या काही नागरिकांचाही मृत्यू झाला आहे. 

वाचा >>"लाईक्स आणि फॉलोअर्ससाठी आम्हाला त्रास का देता?" विमानातल्या व्हायरल फोटोशी इन्फ्लुएन्सरकडून छेडछाड

विमानातील २४१ प्रवाशांबरोबर घटनेवेळी त्या परिसरात असलेल्या २९ जणांचाही मृत्यू या भीषण अपघातात झाला आहे.  याच घटनेपासून गुजरातमधील एक चित्रपट निर्माते बेपत्ता आहेत. महेश कलावडिया असे त्यांचे नाव आहे. 

'ते घरी येत होते, पण पोहोचलेच नाही'

महेश कलावडिया यांना महेश जिरावाला नावानेही ओळखले जाते. नरोडामध्ये ते राहायला आहेत. त्यांची पत्नी हेतल यांनी याबद्दल माहिती दिली. 

हेतल यांनी सांगितलं की, "माझ्या पतीने दुपारी १.१४ वाजता कॉल मला सांगितलं की मीटिंग संपली आहे आणि मी घरी येत आहे. ते घरी येत होते. पण, जेव्हा ते घरी पोहोचले नाही, तेव्हा मी त्यांना कॉल केला. त्यांचा फोन बंद झाला होता. मी वारंवार कॉल केले. त्यानंतर पोलिसांना याची माहिती दिली. पोलिसांनी त्यांचे शेवटचे लोकेशन शोधले. त्यांचे शेवटचे लोकेशन विमान कोसळले, त्या ठिकाणापासून ७०० मीटर दूर असल्याचे दिसले."

'ते कधीच त्या रस्त्याने येत नाहीत'

हेतल म्हणाल्या, 'अंदाजे १.४० वाजता त्यांच्या मोबाईलचे नेटवर्क गेले. त्यांचा मोबाईल आणि स्कूटर दोन्हीही गायब आहे. सगळ्यात आश्चर्याची बाब म्हणजे ते कधीच त्या रस्त्याने घरी येत नव्हते, जिथे त्यांचे शेवटचे लोकेशन मिळाले आहे. आम्ही आता डीएनए चाचणीसाठी नमुने दिले आहेत. विमान अपघातात जमिनीवर असलेल्यांपैकी काही लोकांचा मृत्यू झाला. त्यामध्ये ते तर नाहीत ना, हे शोधण्यासाठी डीएनए चाचणी केली जाणार आहे."

मेडिकल कॉलेजच्या वसतिगृहावर पडले होते विमान

१२ जून रोजी दुपारी १.३९ वाजता एअर इंडियाचे विमान पडले होते. सरदार वल्लभभाई पटेल आंतरराष्ट्रीय विमानतळावरून विमान लंडनला जाण्यासाठी झेपावले. पण, काही क्षणातच जमिनीवर कोसळले होते. यात वैद्यकीय शिक्षक घेणाऱ्या विद्यार्थ्यांचाही मृत्यू झाला आहे. या विमानातील केवळ एकच प्रवाशी वाचला.