हृदयद्रावक! एका मुलीला ट्रेनमध्ये चढवलं अन् तोल गेला; ५ वर्षाच्या चिमुकलीसह वडिलांचा मृत्यू

धावत्या रेल्वेमध्ये एका मुलीला सुखरूप चढवल्यानंतर दुसरीला बसवताना तोल गेल्याने वडिलांसह मुलीचा मृत्यू झाला.

सिरोही : धावत्या रेल्वेमध्ये एका मुलीला सुखरूप चढवल्यानंतर दुसरीला बसवताना तोल गेल्याने एक व्यक्ती रेल्वेखाली गेला असता त्याच्यासह मुलीचा मृत्यू झाल्याची धक्कादायक घटना घडली. या दुर्घटनेत ५ वर्षांच्या मुलीसह तिच्या वडिलांचा दुर्दैवी मृत्यू झाला. या अपघातानंतर पत्नी रेल्वे स्थानकावर बेशुद्ध पडली. राजस्थानमधील सिरोही जिल्ह्यातील अबू रोड रेल्वे स्टेशनवरील या घटनेने सर्वांच्या डोळ्यात पाणी आणले.  

कुटुंबीयांसोबत जात होते गावी
माहितीनुसार, अनुसार भीमाराम (३६) हे पत्नी जीवी (३०), जुडवा मुली रंजीता (५) आणि मोनिका (५) यांसोबत आपल्या गावी जात असताना ही दुर्घटना घडली. साबरमती-जोधपूर पॅसेंजर ट्रेन रविवारी दुपारी १२.३५ वाजता अबू रोड रेल्वे स्थानकाच्या प्लॅटफॉर्म क्रमांक १ वर आली. भीमाराम हे आपल्या कुटुंबीयांसह ट्रेन सुटण्याच्या काही मिनिटांपूर्वीच स्टेशनवर पोहोचले होते. 

मुलीला वाचवताना गेला तोल 
पण, ट्रेन येताच गोंधळाचे वातावरण झाले अन् भीमाराम यांनी घाईघाईत धावत मुलगी रंजीताला ट्रेनमध्ये बसवले. पत्नी जीवी आणि दुसरी मुलगी मोनिका मागे राहिल्या. मागे राहिलेल्या मोनिकाला घेऊन भीमाराम यांनी डब्याकडे धाव घेतली. भीमाराम आपली दुसरी मुलगी मोनिका हिला उचलून घेऊन चालत्या ट्रेनमध्ये चढण्याचा प्रयत्न करत असताना तोल गेल्याने ते मुलगी मोनिकासह फलाटाच्या मध्यभागी पडले. 

दरम्यान, पोलिसांनी सांगितले की, घटनेनंतर लगेचच जीआरपी पोलीस आणि आरपीएफची टीम घटनास्थळी पोहोचली आणि दोघांनाही बाहेर काढून अबू रोड येथील सरकारी रुग्णालयात नेले, जिथे डॉक्टरांनी तपासणी केल्यानंतर त्यांना मृत घोषित केले. पोलिसांनी दोघांचेही मृतदेह शवागारात ठेवले. शवविच्छेदनानंतर मृतदेह नातेवाईकांच्या ताब्यात देण्यात आला.
 
  

POLL

कोणता राजकीय पक्ष येत्या काळात महाराष्ट्राला सर्व आघाड्यांवर पुढे घेऊन जाऊ शकतो, असं तुम्हाला वाटतं?

भाजपाशिवसेनाशिवसेना (उद्धव बाळासाहेब ठाकरे)काँग्रेसराष्ट्रवादी काँग्रेसमहाराष्ट्र नवनिर्माण सेनावंचित बहुजन आघाडीआम आदमी पार्टीभारत राष्ट्र समितीअन्य

भाजपा (29005 votes)

शिवसेना (3598 votes)

शिवसेना (उद्धव बाळासाहेब ठाकरे) (28422 votes)

काँग्रेस (7048 votes)

राष्ट्रवादी काँग्रेस (9798 votes)

महाराष्ट्र नवनिर्माण सेना (11906 votes)

वंचित बहुजन आघाडी (11579 votes)

आम आदमी पार्टी (3454 votes)

भारत राष्ट्र समिती (2029 votes)

अन्य (1492 votes)

Total Votes: 108331

VOTEBack to voteView Results