पंजाबमध्ये बस उलटून ६ भाविक ठार

Punjab News: पंजाबच्या फतेहगड जिल्ह्यात भाविकांना घेऊन निघालेली एक बस उलटून झालेल्या भीषण अपघातात ६ भाविक ठार, तर २१ जण जखमी झाले. मृतांमध्ये एका महिलेचा समावेश आहे.

चंडीगड - पंजाबच्या फतेहगड जिल्ह्यात भाविकांना घेऊन निघालेली एक बस उलटून झालेल्या भीषण अपघातात ६ भाविक ठार, तर २१ जण जखमी झाले. मृतांमध्ये एका महिलेचा समावेश आहे. आनंदपूर साहिबाचे दर्शन घेऊन हे भाविक आपल्या गावी परतत असताना मंगळवारी रात्री दहाच्या सुमारास बास्सी पठाणा भागातील मोरिंडा-चुन्नी रस्त्यावरील हिम्मतपुरा गावाजवळ हा अपघात झाला. बचाव अभियानादरम्यान जखमींना उपचारासाठी नजीकच्या रुग्णालयात दाखल केले. बैसाखीनिमित्त हे भाविक रूपनगर जिल्ह्यातील आनंदपूर साहिबा येथे दर्शनासाठी गेले होते. या अपघाताचे कारण अद्याप स्पष्ट झाले नाही. मात्र, तांत्रिक बिघाड झाल्याने ही बस रस्त्यावरच उलटल्याचा अंदाज पोलिसांनी व्यक्त केला आहे.