कळवण बसस्थानकावर विद्यार्थी असुरक्षित

गैरसोय : शाळा-महाविद्यालये सुटल्यानंतरही वेळेत बसेसअभावी वेळेचा अपव्ययं

 मनोज देवरे ल्ल कळवणस्थळ : कळवण बसस्थानकवेळ : दुपारी १२ वाजताबसस्थानकावर सकाळी शहरातील माध्यमिक व उच्च माध्यमिक विद्यालयाची सुट्टी झाल्यानंतर गावाकडे जाणाऱ्या राज्य परिवहन मंडळाच्या बसेसमध्ये जागा मिळावी म्हणून विद्यार्थी व विद्यार्थिनी दप्तरासह इतर वस्तू टाकतात, तर काही विद्यार्थी खिडकीतून प्रवेश करतात. गर्दीच्या या वेळेत दुचाकीस्वार या परिसरात घिरट्या घालून लक्ष वेधून घेण्याचा प्रयत्न करतात. हा सर्व प्रकार बघूनदेखील सरकारी यंत्रणाच काय; पण उपस्थित असलेली पोलीस यंत्रणादेखील बघ्याची भूमिका घेत असल्याने शहरात शिक्षणासाठी आलेले विद्यार्थी, विद्यार्थिनी कळवण बसस्थानकावर सुरक्षेत नापास ठरले आहेत.तालुक्यातून सवलतीच्या अहल्याबाई होळकर योजना व मानव विकास योजनेंतर्गत हजारो पासधारक विद्यार्थिनी शिक्षणासाठी शहरात येतात. तसेच तालुक्यातून हजारो पासधारक विद्यार्थी शहरातील विविध शाळांमध्ये शिक्षण घेण्यासाठी सकाळी ७ वाजेपासून शहरात येतात. एकूणच हजारो विद्यार्थी आणि विद्यार्थिनींना बसस्थानकावर सुरक्षा देणे गरजेचे असताना मात्र, कारवाईकडे दुर्लक्ष करण्यात येत आहे. याबाबत आश्चर्य व्यक्त केले जात असून, यासंदर्भात बसस्थानकावर घडलेल्या या प्रकाराबाबत घटनास्थळी आखो देखा हाल पहाणऱ्या एका पोलिसाला उपस्थितांनी टोकले असता त्यांनी घटनेकडे दुर्लक्ष करणे पसंत करून आपली जबाबदारी नसल्याचे दाखवून दिल्याने या विद्यार्थी व विद्यार्थिनींना आता सुरक्षा कोण देणार, असा प्रश्न निर्माण झाला आहे. बसस्थानकात विद्यार्थिनींच्या सुरक्षेसाठी निर्भया पथकाच्या दोन महिला पोलीस कर्मचारी सकाळी व दुपारी तैनात करण्याची गरज आहे. शिवाय कळवण बसस्थानकावर दुपारी १२ ते २ वाजेदरम्यान शेकडो विद्यार्थी व विद्यार्थिनी यांची गावाकडे जाण्यासाठी एकच गर्दी होत असल्याने या काळात कळवण पोलीस स्टेशनचे अधिक पोलीस कर्मचारी नियुक्त करणे गरजेचे आहे. त्यामुळे विद्यार्थी, विद्यार्थिनींचा बस पकडण्याच्या आततायीपणावर नियंत्रण येणार आहे.शहरातील विविध शाळांमधून दुपारी १२ व ५ वाजेनंतर बाहेर पडणाऱ्या विद्यार्थिनींच्या सुरक्षेसाठी उपाययोजना करण्याची गरज आहे. या विद्यार्थ्यांकडे न पाहताच वाहनधारक जोरात वाहने हाकत असल्याने अपघातांचा धोका आहे. शाळा, महाविद्यालय परिसरातील रस्त्यावर उपाययोजनांची गरज आहे. याकडे पोलिसांनी लक्ष देण्याची मागणी पालकांनी केली आहे. (वार्ताहर)