वीजपुरवठा खंडित

वीजपुरवठा खंडित

मालेगाव : कॅम्प भागात वीजपुरवठा खंडित झाल्यास जनित्र उपलब्ध नसल्याने पाणीपुरवठा होऊ शकत नाही. मात्र शहरातील पूर्वभागात वीजपुरवठा खंडित झाल्यास जनित्राच्या साहाय्याने पाणीपुरवठा केला जातो. मनपा प्रशासन व संबंधित लोकप्रतिनिधींनी पाणीपुरवठ्याबाबत पूर्व-पश्चिम असा भेदभाव न करता कॅम्प भागास सुरळीत पाणीपुरवठा करण्यासाठी नवीन एक्स्प्रेस फीडर वाहिनी टाकून त्याला समांतर अशी अतिरिक्त वीजवाहिनी टाकून जलशुद्धीकरण केंद्राचा वीजपुरवठा अखंडितपणे सुरळीत करावा, अशी मागणी कॅम्पवासीयांकडून करण्यात येत आहे.