शुक्रवारी (दि.११) सायंकाळी ६.३० ते रात्री ९.३० वाजेदरम्यान किशोर अंबादास रासकर (रा. प्रभुधाम मंदिराजवळ, ओझर) यांनी त्यांची काळ्या रंगाची बजाज पल्सर मोटारसायकल (एमएच-१५ जीएस-९९२२) लावून ते कामानिमित्त जवळच गेले असताना ती चोरून नेल्याचे ९.३० वाजेला परत आल्यानंतर निदर्शनास आले. त्यांनी सोमवारपर्यंत शोध घेऊनही ती न मिळाल्याने मंगळवारी चोरीची तक्रार नोंदविली. याप्रकरणी ओझर पोलिसांनी गुन्हा दाखल केला असून, अधिक तपास सुरू आहे.
ओझर येथून दुचाकीची चोरी
ओझर टाऊनशिप : अपार्टमेंटच्या पार्किंगमध्ये लावलेली मोटारसायकल अज्ञात चोरट्याने चोरून नेल्याची घटना ओझर येथे शुक्रवारी (दि.११) रात्री ११.४५ ते दि. १२ जूनच्या पहाटे ६ वाजेदरम्यान घडली. जाकेश विजय हिरे (रा. सद्गुरुकृपा अपार्टमेंट, टिळकनगर, ओझर) यांनी त्यांची बजाज कंपनीची पल्सर मोटारसायकल (एमएच-१५ जीई-६०३९ ) अपार्टमेंटच्या पार्किंगमध्ये लावली असताना रात्री अज्ञात चोरट्याने चोरून नेल्याचे सकाळी त्यांच्या निदर्शनास आले. त्यांनी रविवारपर्यंत सर्वत्र शोध घेतला; परंतु मोटारसायकल मिळून आली नाही. हिरे यांनी ओझर पोलीस ठाण्यात मोटारसायकल चोरीला गेल्याची तक्रार काल नोंदविल्यावरून पोलिसांनी गुन्हा दाखल केला असून, अधिक तपास पोलीस उपनिरीक्षक अर्चना तोडमल करीत आहेत.