Ashok Kharat : "नादाला लागाल तर तुमचे नामोनिशाण नष्ट करू"; भोंदू अशोक खरातने अंनिसला दिलेली धमकी

Ashok Kharat : महाराष्ट्र अंधश्रध्दा निर्मूलन समितीने देखील खरातने हे प्रकरण उघड करण्यासाठी सुमारे वीस वर्षापूर्वी धमक्या दिल्या होत्या, असा दावा केला आहे.

सध्या भोंदूबाबा अशोक खरात याच्या विषयी पीडित महिलांच्या तक्रारी दाखल होत असून त्या व्यतिरिक्त अनेकांनी आपल्या धमक्या दिल्याच्या तक्रारीही केल्या आहेत. आता महाराष्ट्र अंधश्रध्दा निर्मूलन समितीने देखील खरातने हे प्रकरण उघड करण्यासाठी सुमारे वीस वर्षापूर्वी धमक्या दिल्या होत्या, असा दावा केला आहे.

खरातने या धंद्यात जम बसवला, तेव्हा २००७ साली अंनिसकडे एक तक्रार आली होती. त्यानुसार अंनिसचे कार्यकर्ते महेंद्र दातरांगे व प्रा डॉ सुदेश घोडेराव हे खरातच्या कार्यालयात गेले होते. तो करत असलेले कृत्य हे अंधश्रद्धा यक्त असन चुकीचे आहे अशी जाणीव कार्यकर्त्यांनी त्याला करून दिली. त्यावर मी निवृत्त कॅप्टन आहे माझ्याकडे रिव्हॉल्वर आहे, अशी धमकी त्याने कार्यकर्त्यांना दिली. पण, कार्यकर्त्यांनी न घाबरता आव्हान दिले. त्यावर त्याने सावध राहा, अशी धमकी दिली होती त्यावेळी भोंदू खरात त्याने त्याचे उपद्व्याप सुमारे तीन महिने बंद ठेवले होते. मात्र काही दिवसांनी त्याने पुन्हा चालू केल्याचे अंनिसने म्हटले आहे.

"... तर तुझा मृत्यू अटळ", भोंदूबाबा अशोक खरातने थेट तुर्कस्थानातून मागवलं ९० लाखांचं फर्निचर

गुगलच्या 'मोस्ट सर्च्ड' कॅटेगरीत 'भोंदूबाबा' टॉपवर; लोक शोधताहेत अशोक खरातचे काळे कारनामे

२०१३ मध्ये अंनिसचे सिन्नर येथील कार्यकर्ते अरुण घोडेराव यांच्याशी ईशान्येश्वर मंदिराच्या एका ट्रस्टीने वाद घालून धमकी दिली होती. तुम्ही अंनिसवाले अनेक भोंदूबाबाच्या मागे लागता पण आमच्या नादाला लागाल तर तुमचे नामोनिशाण नष्ट करू, असे म्हणत धमकावले होते. यानंतरही अधून मधून अंनिसकडे पीडित संपर्क करत होते, पण धाडसाने पुढे येऊन पोलिसात तक्रार देण्यास ते घाबरत होते, असे समितीचे राज्य कार्यवाह कृष्णा चांदगुडे यांनी माध्यमांना सांगितले.