बागलाण पतसंस्थेच्या सभापतिपदी तांबोळीं

बागलाण पतसंस्थेच्या सभापतिपदी तांबोळीं

 सटाणा : येथील बागलाण नागरी सहकारी पतसंस्थेच्या सभापतिपदी जावेद दाउद तांबोळी यांची, तर उपसभापतिपदी आसिफ शेखलाल मन्सुरी यांची बिनविरोध निवड करण्यात आली.निशाद शेख व अल्फिजा सय्यद यांनी अनुक्रमे सभापती व उपसभापतिपदाचा राजीनामा दिल्याने रिक्त असलेल्या पदाच्या निवडीसाठी पतसंस्थेच्या सभागृहात संचालकांची विशेष सभा बोलावली होती. निर्धारित वेळेत या दोन्ही पदांसाठी प्रत्येकी एक नामांकन अर्ज दाखल झाल्यामुळे सभापतिपदी जावेद दाऊद तांबोळी व उपसभापतिपदी असिफ शेखलाल यांची बिनविरोध निवड झाल्याचे घोषित करण्यात आले. निवडी नंतर नवनिर्वाचित पदाधिकाऱ्यांचा संस्थेचे संस्थापक फईम शेख व फजल शेख यांच्या हस्ते सत्कार करण्यात आला. याप्रसंगी फारुख सय्यद, निहाल शेख, अय्याज बागवान, हाजी आरिफ, सादिक मन्सुरी, राजू मन्सुरी, अनिस पापामिया ,वैशाली नाखरे आदि उपस्थित होते.(वार्ताहर)