वऱ्हाणे शिवारात तिहेरी अपघातात २ ठार, २ जखमी

दुपारी दोन वाजेच्या सुमारास हा अपघात झाला. शहरातून पंजाबला जमाती लोक जात होते. वऱ्हाणे नजीक भरधाव वेगात समोरून आलेल्या ट्रकने स्वीफ्ट डिझायर (क्र. एमएच ०४- इएच ४९४१ ) ला धडक दिली त्यावर आर्टिका धडकली. धडक अशी जबरदस्त होती की, स्वीफ्ट पाचशे फूट शेतात फेकली गेली तर १४ चाकी ट्रक (क्र. जीजे ०४ एडब्ल्यू २६५०) शेतात उतरला तर आर्टिका कार देखील शेतात दूरवर फेकली गेली. यात मुगीसुररहेर्मान सेराज अहमद (३७) आणि अब्दूल बासित अब्दूल रशीद शाह (२५) रा. मालेगाव हे दोघे ठार तर अकील सईद अहमद (१९) आणि जहीर अनिस अहमद (२७) दोघे रा. फतेह मैदान मालेगाव हे दोन जण जखमी झाले. जखमीत एका लहान मुलाचा समावेश आहे. घटनास्थळी नगरसेवक साजीद पाेहोचले होते त्यांनी तात्काळ रुग्णवाहिका आणून जखमींना उपचारार्थ दाखल केले. तालुका पोलिसात गुन्हा दाखल करण्यात आला असून अधिक तपास हवालदार कैलास गुजर करीत आहेत.