‘रिनौसस द स्टेट’ पुस्तकावर बंदी घालण्याबाबत प्रांताधिकाऱ्यांना निवेदन

प्रांताधिकारी यांना दिलेल्या निवेदनात म्हटले आहे की, गिरीश कुबेर या विकृत मानसिकतेच्या लेखकाने लिहलेल्या ‘रिनौसस द स्टेट’ या पुस्तकात स्वराज्याचे दुसरे छत्रपती आणि अत्यंत नीतिवान राजा छत्रपती संभाजी महाराज यांच्यावर महाराणी सोयराबाई साहेब यांच्या खुनाचा आरोप करीत आक्षेपार्ह लिखाण करून महाराष्ट्रातील जनतेच्या भावना दुखावल्या आहेत. छत्रपती संभाजी महाराजांना दैवत मानणाऱ्या महाराष्ट्रातील जनतेच्या श्रध्दात्मक भावनेचा आदर करीत या पुस्तकावर महाराष्ट्रात व देशभरात बंदी घालण्यात येऊन बाजारात गेलेल्या प्रती तत्काळ ताब्यात घ्याव्यात अन्यथा राज्यातील जनतेच्या भावनांचा उद्रेक होऊन संविधानिक मार्गाने ठिकठिकाणी आंदोलने व उपोषणे होतील. त्याची सर्वस्वी जबाबदारी शासनावर व प्रशासनावर राहील, असे निवेदनात नमूद करण्यात आले आहे. निवेदनावर सामाजिक कार्यकर्त्या हेमलता शितोळे, अनिल भामरे, भाजप युवा मोर्चाचे तालुका अध्यक्ष शरद पाटील, छत्रपती संभाजी सेना तालुका अध्यक्ष स्वप्नील पाटील, मराठा कुणबी पाटील समाज संघटना अध्यक्ष भूषण पाटील, उत्तर महाराष्ट्र कुणबी सेना अध्यक्ष गणेशराजे रघुनाथ पाटील, संतोष सैंदाणे, तुषार चित्ते, मोहन मराठे, मयूर पाटील, लोणखेडा कुणबी सेना अध्यक्ष समर करंके, प्रीतम पाटील, देवेंद्र पाटील, धनराज पाटील आदी उपस्थित होते.