शिंपी समाज संघटनेच्या तालुका संघटकांची निवड

या बैठकीत नंदुरबार जिल्हा संघटक गजेंद्र शिंपी यांनी नंदुरबार जिल्ह्यातील तालुकानिहाय समाजाचे संघटकपदी नियुक्त्या केल्या आहेत. त्यात शैलेश शिंपी (नंदुरबार), महेंद्र मेटकर (धडगाव), महेंद्र चव्हाण (नवापूर), किरण जाधव (शहादा), मनोज सावळे (अक्कलकुवा) व दीपक जाधव (तळोदा) यांची नियुक्ती करण्यात आली. या बैठकीत राज्यस्तरावर सामाजिक उपक्रम राबविण्यासोबतच औरंगाबाद, नाशिक, ठाणे आदी भागामध्ये समाजाची शैक्षणिक संस्था व मेडिकलसंदर्भात समाजाला उपयोगी होईल, असा निर्णय घेण्यात आला. समाजाकडे जागा आहे व दानशूर लोकही आहेत. या लोकांच्या माध्यमातून योजना राबवाव्यात, असा ठराव करण्यात आला. राष्ट्रीय अध्यक्ष रवींद्र बागूल यांनी विविध विषयांवर चर्चा करून समाज एकसंध ठेवण्यासाठी योजना दिल्या. राज्य संघटक सुहास जगदाळे यांनी समाज संघटित करण्यासाठी प्रत्येक जिल्हा दौर्‍याचे नियोजन करण्यात आले. बैठकीला विश्‍वस्त गोपाळराव शिंपी, विजू बिरारी आदी उपस्थित होते. नंदुरबार प्रतिनिधी म्हणून गजेंद्र शिंपी, हिरालाल शिंपी, शैलेश शिंपी, वैभव करवंदकर, मुकेश सोनवणे, सोमनाथ शिंपी, सुभाष सावळे, प्रदीप शिंपी, राजेंद्र जगताप आदी उपस्थित होते.