आसाणे गावातील मैदानावर झालेल्या शिबिरात नंदुरबार, नवापूर, शहादा, धडगाव तालुक्यासह धुळे जिल्ह्यातील साक्री व शिंदखेडा तालुक्यातून सुमारे १५० युवक सहभागी झाले होते. यावेळी युवकांसाठी १ हजार ६०० मीटर धावण्याची स्पर्धा घेण्यात आली. स्पर्धेला हेमंत पाटील यांनी हिरवी झेंडी दाखवली. दरम्यान मार्गदर्शन शिबिरात हर्षल पाटील व महेश पाटील यांनी विद्यार्थ्यांना स्पर्धा परीक्षेबाबत मार्गदर्शन केले. त्यांनी आगामी नोकर भरतीबाबतची माहिती देण्यात आली. १६०० मीटर धावण्याच्या स्पर्धेसाठी जयहिंद फाउंडेशन व भारत पंडित शेलार यांच्यातर्फे ३ हजार १०० रुपयांचे प्रथम, पोलीस कर्मचारी हेमंत महाले व जितेंद्र महाले यांच्याकडून २ हजार १०० रुपयांचे द्वितीय तर यांच्याकडून १ हजार १०० रुपयांचे तृतीय पारितोषिक जाहीर करण्यात आले होते. उत्तेजनार्थ बक्षीस जयहिंद फाउंडेशनकडून देण्यात आले, स्पर्धेत बुरझड, ता. धुळे येथील पंकज बालू बागूल प्रथम, नंदुरबार येथील देवेंद्र वसावे द्वितीय, ऐचाळे येथील प्रफुल्ल धनगर व रोशन पानपाटील दोघेही संयुक्तपणे तृतीय स्थानी आले. स्पर्धेचे उत्तेजनार्थ बक्षीस तुलसीदास पाटील यास देण्यात आले. प्रसंगी समाधान पाटील यांनी सर्वच घटकांसाठी विकास व सेवाभावी म्हणून काम करणार असल्याचे सांगितले.
कार्यक्रमास शाॅर्ट सर्व्हिस कमिशन व राखीव दलात निवड झालेल्या युवकांचा सत्कार करण्यात आला. कार्यक्रमास संस्थेचे उपाध्यक्ष योगेश महाले, दिनेश पाटील, पोलीस पाटील पंढरी पाटील, भूषण पाटील, संदीप पाटील, रवींद्र पाटील, योगेश मिस्त्री, दिनेश बाबूलाल, हेमंत पाटील, योगेश पाटील, बापू पाटील, दिलभर पाटील, राजू पाटील उपस्थित होते. सूत्रसंचालन व प्रास्ताविक जयहिंद फाउंडेशनचे अध्यक्ष समाधान किसन पाटील यांनी आभार उपाध्यक्ष योगेश दगडू पाटील यांनी मानले.