महाराष्ट्र अंनिसतर्फे खान्देशस्तरीय ऑनलाइन वेबिनारचे आयोजन

सर्वत्र कोरोनाचा हाहाकार माजत असताना नागरिक अंधश्रद्धेला बळी जाताना दिसत आहेत. शहरी व ग्रामीण भागात कोरोनाचे रुग्ण आढळत असून, मृतांची संख्याही वाढत आहे. कुटुंबातले कलहही समोर येत आहेत. यातूनच मानसिक स्वास्थासाठी अंधश्रद्धेचा आधार घेतला जात आहे. या साऱ्या परिस्थितीला कुंडलीचा दोष मानला जाताना दिसतो. याविषयी योग्य मार्गदर्शन मिळावे, शरीर, मानासिक स्वास्थ्य टिकावे यासाठी वेबिनारचे आयोजन करण्यात आले आहे. या वेबिनारचा मुख्य विषय ‘फलज्योतिष : भ्रमातून वास्तवाकडे’ हा असून, त्याच आनुषंगाने पाच दिवस विषय राहणार आहे. विविध विषयांवर अभ्यासक खगोल तज्ज्ञ प्रा. डॉ. नितीन शिंदे (इस्लामपूर, जि. सांगली) हे मार्गदर्शन करणार आहेत. वेबिनारसाठी धुळे, जळगाव, नंदुरबार, नाशिक व नगर जिल्ह्यातील कार्यकर्ते नियोजन करीत आहेत. समितीचे पदाधिकारी प्रा. डॉ. ठकसेन गोराणे, नितीन तळाशिलकर, माधव बावगे, विनायक सावळे, नंदुरबार जिल्हा कार्यध्यक्ष रवींद्र पाटील, प्रधान सचिव कीर्तिवर्धन तायडे आदीसह कार्यकर्ते परिश्रम घेत आहेत.