सारंगखेड्यात पर्यटनाचा ‘सण्डे फिवर’

लोकमत न्यूज नेटवर्कसारंगखेडा : सारंगखेडा येथील यात्रोत्सवात दिवसेंदिवस रंगत वाढत असून, रविवारी प्रचंड गर्दी दिसून आली. यामुळे लहान मोठ्या व्यावसायिकांच्या चेहऱ्यावर आनंद दिसून आला.११ डिसेंबरपासून एकमुखी दत्ताच्या यात्रोत्सवाला सुरूवात झाली असून, जस जसे दिवस वाढत आहेत तस तसा सारंगखेडा यात्रोत्सव व चेतक फेस्टीवलची धूमही वाढत आहे. रविवार हा सुट्टीचा दिवस असल्याने झुले, भांडीबाजार, घोडे बाजार व खाद्य पदार्थ विक्रेते, मसाला विक्रेते व शीतपेय विक्रेत्यांकडे मोठ्या प्रमाणात भाविक खरेदी व खाद्य पदार्थांचा आस्वाद घेतांना दिसून आले.शनिवारपासून चेतक महोत्सवाची रंगत वाढायला सुरूवात झाली. त्यातच रविवारी सुट्टी असल्याने यात्रोत्सवात गर्दीचा महापूर आल्याचे दिसून येत होते. या गर्दीमुळे विक्रेत्यांच्या चेहºयावर आनंद दिसून येत होता. सारंगखेडा यात्रा ही व्यावसायकांसाठी वर्षभरातील यात्रेचे लक्ष पूर्ण करणारी यात्रा आहे. येथील दत्त महाराजांच्या या यात्रोत्सवात प्रथम प्रभूदत्ताला विशेष मान आहे. यानंतर घोड्यांच्या बाजाराला ऐतिहासीक महत्व असून, याला चेतक फेस्टीवलची जोड लाभली आहे. त्यामुळे हा यात्रोत्सव महिनाभर रोजगार निर्मितीचा फेस्टीवल बनला आहे. सारंगखेडा हे गाव या फेस्टीवलमुळे जगाच्या नकाशावर पोहोचले आहे.चेतक फेस्टीवलचे अध्यक्ष जयपालसिंह रावल यांनी चेतक महोत्सवात अनेक कार्यक्रमांची मेजवानी ठेवली आहे. अहिराणी शो, लावणी शो, अश्व रांगाळी स्पर्धा, कॉमेडी शो, छोटा भीम, अश्व प्रदर्शन, जिल्हा परिषद शालेय नृत्य स्पर्धा, अश्व काठीयावाडी स्पर्धा, सारंग श्री शरीर सौष्ठव स्पर्धा, अश्व मारवाडी स्पर्धा, एकल नृत्य स्पर्धा, अश्व दौड अशा विविध कार्यक्रमांची मेजवानी चेतक फेस्टीवलमध्ये आहे.४घोडे बाजारात दिवसेंदिवस रंगत वाढत असून, घोडे बाजरात रविवारी ७५ घोड्यांची विक्री झाली असून, यातून ३३ लाख दोन हजार रूपयांची उलाढाल झाली आहे. तसेच आज अखेर दोन हजार ४०० घोड्यांची आवक मधून ३९२ घोड्यांची आज अखेर विक्री झाली आहे. यातून एक कोटी ४२ लाख २६ हजार ४०० रूपयांची उलाढाल झाली आहे. अर्थात सारंगखेडा येथील घोडे बाजाराने पाच दिवसात दीड कोटींचा टप्पा पार केला.४रविवारी सुट्टीचा दिवस असल्याने अगदी शहादा रोड ते टाकरखेड्यापर्यंतच्या मार्गावर वाहनांच्या रांगा लागल्या होत्या. या वेळी वाहतूक शाखेच्या कर्मचाऱ्यांना चांगलीच वाहतूक सुरळीत करण्यासाठी चांगलीच कसरत करावी लागली. मात्र व्यावसायिकांना आज अपेक्षेप्रमाणे फळ मिळाल्याने त्यांच्या चेहºयावर समाधानाचे चित्र दिसून आले.