कोरोना संशयिताचे नमुने पुण्याला रवाना

लोकमत न्यूज नेटवर्कनंदुरबार : परेदशवारी करुन परत आलेल्या कुटूंबातील एकाला कोरोना व्हायरस संसर्ग झाल्याचे वृत्त मंगळवारी जिल्ह्यात भिती पसरली आह़े संशयित रुग्णाला मंगळवारी जिल्हा रुग्णालयात दाखल केल्यानंतर त्याचे थुंकी आणि रक्ताचे नमुने पुणे येथील प्रयोगशाळेत रवाना करण्यात आले असून त्याचा अहवाल गुरुवारी दुपारी आल्यानंतरच स्थिती स्पष्ट होणार आह़े शहरातील दोन महिला आणि एक पुरुष सौदी अरेबियातून दोन दिवसांपूर्वी परत आले होत़े आल्यावर त्यातील पुरुषाला खोकला आणि सर्दीचा त्रास झाल्याने त्यांनी खाजगी रुग्णालयात उपचार घेतले होत़े परंतू डॉक्टरांनी शंका उपस्थित केल्यानंतर तिघांनाच जिल्हा रुग्णालयात तपासणीसाठी पाठवण्यात आले होत़े या तपासणीचे वृत्त जिल्ह्यात तातडीने पसरल्यानंतर एकच खळबळ उडाली आह़े तिघांनाही जिल्हा रुग्णालयात तयार करण्यात आलेल्या कक्षात ठेवण्यात आले असून त्यांच्यावर उपचार सुरु आहेत़ यातील पुरुषाचे नमुने रात्री संकलित करुन तातडीने पुणे येथील नॅशनल व्हायरोलॉजि इन्स्टीटय़ूट या प्रयोगशाळेकडे पाठवण्यात आले आहेत़ तेथे नमुने तपासल्यानंतरच सत्यता समोर येणार असल्याची माहिती जिल्हा रुग्णालय प्रशासनाने दिली आह़े जिल्ह्यात अफवांचे पीक सुरु असल्याने जिल्हा प्रशासनानेही काळजी म्हणून कोरोनाबाबत जनजागृती करण्यास सुरुवात केली आह़े उपचार घेत असलेल्या तिघांपैकी एकास सर्दी आणि खोकल्याचा तर दोघा महिलांना ताप असल्याची माहिती देण्यात आली आह़े त्यांच्यासाठी तज्ञ डॉक्टर व तज्ञ नर्सेसचा स्टाफ तैनात करण्यात आला असल्याचे सांगण्यात आले आह़े येत्या 24 तासानंतर सत्यता समोर आल्यानंतर त्यांच्यावर होणा:या उपचारांची दिशा ठरणार असल्याची माहिती जिल्हा रुग्णालय प्रशासनाने दिली आह़े ही माहिती आरोग्य विभागाला ऑनलाईन कळवण्यात येणार असल्याने त्याकडे विभागासह सर्वाचेच लक्ष लागून आह़े दरम्यान कोरोनाबाबत आरोग्य विभाग आणि जिल्हा प्रशासन यांनी खाजगी रुग्णालये तसेच ग्रामीण भागात सूचना केल्या असल्याने परदेशात जाऊन आलेल्या नागरिकांना तपासणी करुन घेण्याच्या सूचित करण्यात येत आह़े तूर्तास तिघांव्यतिरिक्त अद्याप परदेशातून कोणीही आलेले नसल्याचा खुलासा करण्यात आला आह़े कोरोनाची भिती असताना जिल्ह्यात होलिकोत्सव साजरा करण्यात येत आह़े सोमवारपासून काठी ता़ अक्कलकुवा येथे होलिकोत्सवात शेकडोंच्या संख्येने आदिवासी बांधव तसेच जिल्ह्यातील नागरिकांनी हजेरी लावली होती़ या पाश्र्वभूमीवर येथे प्रशासनातील अधिका:यांचीही उपस्थिती होती़ यावेळी बरेच जण हे मास्क लावून याठिकाणी वावरत असल्याचे दिसून आल़े जिल्ह्यातील काही प्रशासकीय अधिका:यांनी कोरोनाच्या भितीने याठिकाणी येणे टाळल्याच्या चर्चाही काही अधिका:यांकडून करण्यात येत होत्या़ याउलट लोकप्रतिनिधींनी मात्र होळी उत्सावात मोठय़ा उत्साहात सहभाग घेतल्याचे दिसून आले होत़े होळीनिमित्त होणा:या गर्दीत संसर्ग होऊ नये किंवा अनुचित प्रकार घडू नये यासाठी आरोग्य विभागाकडून सर्वतोपरी दक्षता घेण्यात येत असतानाही अधिका:यांनी हजेरी न लावल्याने नाराजीही व्यक्त करण्यात आली होती़ कोरोनाच्या पाश्र्वभूमीवर परराज्यातून येथे येणा:या पर्यटकांची संख्याही नगण्य असल्याचे दिसून आले होत़े जिल्हा रुग्णालयात दाखल करण्यात आलेल्या तिघा संशयितांबाबत जिल्हा शल्य चिकित्सक डॉ़ आऱडी़भोये यांच्यांकडून माहिती घेतली असता, ते म्हणाले की, दाखल करण्यात आलेल्या रुग्णांचे नमुने पुणे येथे पाठवण्यात आले आहेत़ तेथून रिपोर्ट आल्यानंतरच कोरोना आहे किंवा कसे हे समजणार आह़े तूर्तास तिघांवर दक्षता म्हणून उपचार सुरु आहेत़ दोघी महिला ह्या तापामुळे आजारी पडल्या आहेत तर पुरुषाला सर्दी आणि खोकल्याचा त्रास बळावला आह़े नागरिकांनी अफवांवर विश्वासच ठेवू नये, योग्य उपचार आणि काळजी यातून कोरोना बरा होऊ शकतो़ यात रुग्ण दगावण्याची टक्केवारी नगण्य आह़े जिल्ह्यात वाढत्या अफवांमुळे सर्व 11 ग्रामीण रुग्णालय व तळोदा आणि नवापुर येथील उपजिल्हा रुग्णालय स्तरावरील वैद्यकीय अधिका:यांना सूचना करण्यात आल्या आहेत़ गुरुवारी दुपार्पयत तपासणीचा अहवाल प्राप्त झाल्यानंतर दाखल असलेल्या तिघांच्या पुढील उपचारांची दिशा ठरणार आह़े दाखल करण्यात आलेल्या तिघा रुग्णांच्या कक्षात कोणासही प्रवेश देण्यात येत नसल्याचे जिल्हा रुग्णालयाने सांगितले आह़े वॉर्डाच्या बाहेर रुग्णांचे नातलग बसून असल्याचे दिसून आल़े रुग्णालयात कोरोनाच्या पाश्र्वभूमीवर दक्षता घेण्याबाबत मात्र उदासिनता दिसून आली आह़े एकमेकांच्या भेटी घेणा:या रुग्ण आणि नातेवाईकांसाठी सॅनेटायङोशन किंवा मास्कची व्यवस्था नसल्याची माहिती देण्यात आली आह़े 4कोविड 19 अर्थात कोरोना व्हायरस डिसीस 2019 असे नाव असलेला हा विषाणू शरीरात गेल्यावर ताप, कोरडा खोकला आणि थकवा येणे, काहींना सर्दी, अंग मोडून येणे, नाक बंद होणे, घसा दुखणे तसेच काही रुग्णांना डायरिया होत असल्याची लक्षणे दिसून येत असल्याने जिल्हा रुग्णालयात हे सर्व किरकोळ आजार बरे करण्यासाठी गोळ्या-औषधींचा साठा करण्यात आला आह़े यानुसारच संशयित रुग्णांवर उपचार सुरु असल्याचे सांगण्यात आले आह़े