तीन दिवसापूर्वीच अजित पवार यांनी नांदेडला दिलेली 'ती' भेट अखेरची ठरली

नांदेडमध्ये पोहचल्यानंतर सर्वप्रथम त्यांनी सचखंड गुरुद्वारा येथे दर्शन घेतले होते. त्यानंतर त्यांनी मुख्य कार्यक्रमाला हजेरी लावली होती. त्यांची ही नांदेडची शेवटची भेट ठरली आहे.

नांदेड - उपमुख्यमंत्री आणि महाराष्ट्राच्या राजकारणातील दादा व्यक्तिमत्व असलेल्या अजित पवार यांच्या मृत्युंची वार्ता धडकताच नांदेडमध्ये आमदार प्रतापराव चिखलीकर यांच्यासह कार्यकर्त्यांना अश्रू अनावर झाले. तीन दिवसापूर्वीच अजित पवार हे हिंद दी चादर कार्यक्रमाच्या निमित्ताने नांदेडमध्ये आले होते, त्यांची नांदेडला ही शेवटची भेट ठरली.

विधानसभा निवडणुकीनंतर पक्ष वाढीसाठी तब्बल सहा वेळा अजित पवार यांनी नांदेडचा दौरा केला होता. त्यात 25 जानेवारीला मोदी मैदान येथे आयोजित हिंद दी चादर अंतर्गत श्री गुरु तेग बहादूर जी यांच्या 350 व्या शहिदी समागम सोहळ्याला मुख्यमंत्री देवेंद्र फडणवीस यांच्यासह उपमुख्यमंत्री अजित पवार हे ही उपस्थित होते.

नांदेडमध्ये पोहचल्यानंतर सर्वप्रथम त्यांनी सचखंड गुरुद्वारा येथे दर्शन घेतले होते. त्यानंतर त्यांनी मुख्य कार्यक्रमाला हजेरी लावली होती. त्यांची ही नांदेडची शेवटची भेट ठरली आहे.