नागपूर : शहरातील झोन ३ परिसरात रविवारी रात्री एक धक्कादायक अपघात घडला. भरधाव वेगाने जाणारी कार नियंत्रण सुटून पलटी झाली. या अपघातात कारमधील चार युवक जखमी झाले असून त्यांच्यावर रुग्णालयात उपचार सुरू आहेत.
{{#config.logo.enabled}}
{{/allowed}}मिळालेल्या प्राथमिक माहितीनुसार, कार अत्यंत वेगात चालवत असताना चालकाचे वाहनावरील नियंत्रण सुटले. त्यामुळे कार रस्त्यावरच उलटली. या भीषण अपघातामुळे परिसरात काही काळ भीतीचे वातावरण होते. स्थानिक नागरिकांनी तत्काळ मदत कार्य सुरु करत जखमींना जवळच्या रुग्णालयात दाखल केले.
अपघातात जखमी झालेल्या युवकांची ओळख अद्याप स्पष्ट झालेली नाही. अपघाताचा तपास संबंधित पोलीस विभाग करत असून, वाहन कोणाच्या मालकीची होती, चालक कोण होता आणि नेमका अपघात कसा घडला याचा शोध सुरू आहे. अपघात स्थळावर पंचनामा करण्यात आला असून सीसीटीव्ही फुटेजही तपासले जात आहे.