झिंगलेल्या अवस्थेत तरुणीसह सहा जण पोलिसांच्या ताब्यात
By लोकमत न्यूज नेटवर्क | Published: April 18, 2021 04:08 AM2021-04-18T04:08:58+5:302021-04-18T04:08:58+5:30
नागपूर : सैराट तरुणीसह सहा जणांना झिंगलेल्या अवस्थेत सीताबर्डी पोलिसांनी शनिवारी रात्री ताब्यात घेतले. त्यांच्याकडून दारूच्या बाटल्या आणि ...
नागपूर : सैराट तरुणीसह सहा जणांना झिंगलेल्या अवस्थेत सीताबर्डी पोलिसांनी शनिवारी रात्री ताब्यात घेतले. त्यांच्याकडून दारूच्या बाटल्या आणि आक्षेपार्ह साहित्य जप्त करण्यात आले.
रामदासपेठेतील एका बहुमजली इमारतीच्या ग्राउंड फ्लोअरला कुंटनखाना चालतो, अशी माहिती सीताबर्डी पोलिसांना शनिवारी रात्री मिळाली. त्यावरून ठाणेदार अतुल सबनिस यांनी आपल्या सहकाऱ्यांना तेथे पाठवले. इमारतीच्या ग्राउंड फ्लोअरला एका सदनिकेत एक तरुणी आणि पाच तरुण झिंगलेल्या अवस्थेत पोलिसांना दिसले. त्यांना ताब्यात घेऊन पोलीस ठाण्यात आणण्यात आले. पोलीस रात्री उशिरापर्यंत त्यांची चाैकशी करीत होते. यासंबंधाने विचारणा केली असता तेथे कुुंटनखाना सुरू असल्याची माहिती आम्हाला मिळाली होती. मात्र, असा काही प्रकार तेथे आढळला नाही. तरुणी आणि तिचे मित्र दारूच्या बाटल्यांसह सापडल्याचे ठाणेदार सबनिस यांनी सांगितले.
---