उपराजधानीत सकाळी पोलिसांचा दंडुका, दुपारी सर्वत्र शांतता!

संसर्गजन्य असलेल्या कोरोना विषाणूचा प्रादुर्भाव रोखण्यासाठी राज्य सरकारने २१ मार्च पासूनच नागपुरात ‘लॉकडाऊन’ केले आहे. तरीदेखील काही नागरिकांकडून उद्दामपणा दाखविला जात आहे .

ठळक मुद्देसमाजसेवकांनी केले चहा, पाण्याचे वितरण

लोकमत न्यूज नेटवर्कनागपूर : कोरोना विषाणूच्या प्रकोपाला टोलवून लावण्यासाठी राज्यात ‘लॉकडाऊन’ सोबतच कलम १४४ लागू झाली आहे. सरकारच्या दिशानिर्देशाकडे कानाडोळा करून बाहेर पडणाऱ्यामस्तवाल नागरिकांना मंगळवारी पोलीसांच्या दंडूक्याचा सामना करावा लागला. दुपारपर्यंत हादंडूका इतका गाजला की दुपारपासून सर्वत्र शांतता नांदलेली दिसली.संसर्गजन्य असलेल्या कोरोना विषाणूचा प्रादुर्भाव रोखण्यासाठी राज्य सरकारने २१ मार्चपासूनच नागपुरात ‘लॉकडाऊन’ केले आहे. तरीदेखील काही नागरिकांकडून उद्दामपणादाखविला जात आहे आणि व्यवस्थेची खिल्ली उडविण्याचा प्रकार सुरू असल्यानेनाईलाजाने राज्यसरकारला संपूर्ण राज्यात कलम १४४ सुरू करावी लागली. त्यामुळे संपूर्णपोलीस यंत्रणा सज्ज झाली. तरी देखील पूर्व नागपुरातील काही भागात सकाळी नागरिकांनीबाहेर पडण्यास सुरुवात केली. प्रारंभी पोलीसांनी शांतपणाने त्यांना मागे वळण्यास सांगितले.त्यावरही काही ऐकण्याच्या मनस्थितीत दिसलेल्यांना पोलीसांना दंडूक्याचा उपयोग करावालागला. पोलीसांचा रोष बघून नंतर कोण्याही नागरिकाची घराबाहेर पडण्याची हिंमत झालीनाही. अशाही परिस्थितीत खरबी चौक, दीघोरी चौक, मोठा ताजबाग, हसनबाग येथे भरउन्हात आपले कर्तव्य बजावणाऱ्या पोलीसांना काही नागरिकांनी आपली सेवा पुरविली. चामटचौकात चहाची टपरी चालविणाऱ्या जैन कुटूंबाने पोलीसांना चहा, पाणी, नाश्ता पाठवूनसामाजिक कर्तव्यात सहभाग दिला. योगिता जैन यांनी आपली मुले यश व जान्हवी यांच्यासोबत ही सेवा पुरवली तर वाठोडा येथील कार्यकर्ते बंटी रहांगडाले, अक्षय सुदामे, विशाल नागपूरे,शाहीद शेख, नयन मेश्राम यांनी पूर्व नागपुरातील प्रत्येक पोलीस असलेल्या चौकात चहा, नाश्ता व पाण्याची सेवा पुरवली. यावेळी भाजीविके्रत्यांना पोलीसांनी चौक सोडून आपले दुकानलावण्याची परवानगी दिली. चौकात अकारण गर्दी होऊ नये, हा उद्देश यामागचा असल्याचेपोलीसांनी स्पष्ट केले.