नियमित जीममध्ये वर्कआऊट करणारे अनिल शिवणकर यांच्या मते, मेंटल बॅलन्स राखण्यासाठी जीममध्ये तास-दीड तासाचा वर्कआऊट खूप फायदेशीर आहे. शरीर फिट ठेवण्यास चांगला पर्याय आहे. यामुळे फॅट्स व काेलेस्ट्राॅल कमी करणे आणि ऊर्जा वाढविणे शक्य हाेते. त्यांनी जीमवर बंदी घालण्याच्या निर्णयाचा विराेध केला आहे. एकीकडे राेगप्रतिकारशक्ती वाढविणे गरजेचे असताना जीम बंद करून तरुणांची अडचण केली आहे. शहरात हजाराे लाेक जीममध्ये जातात. काही महिन्यापासून ते अनेक वर्षांपासून जीम करणारेही आहेत. अनेक महिने मेहनत केल्यानंतर त्यांनी शरीर कमावलेले असते. मात्र जीम बंद केल्याने एका झटक्यात अवस्था जैसे थे झाली आहे. साध्या व्यायामाने ती परत मिळविणे कठीण असते. दुसरीकडे सकाळी ७ च्या आत बाहेर पडण्यास मनाई असल्याने व्यायाम कधी करावा, हा प्रश्नच आहे. प्रामाणिक जीमिंग व व्यायाम करणाऱ्यांची काेंडी झाली असल्याची भावना शिवणकर यांनी व्यक्त केली.
तासाभराची वर्कआऊट लाभदायक ()
जीम ट्रेनर नीलेश नेवारे यांच्या मते, शरीर फिट आणि आराेग्य सुदृढ ठेवण्यासाठी जीम एक चांगला पर्याय आहे. जीममध्ये तासभर घाम गाळल्यास शरीरातील अधिकच्या कॅलरीज बर्न करणे शक्य हाेते व बाॅडीला आकर्षक आकार देता येते. पण त्यांनी काही नियम पाळणे गरजेचे असल्याचे सांगितले.
- सुरुवात करणाऱ्यांसाठी किमान सहा महिने ३० ते ४० मिनिटांचा वर्कआऊट याेग्य आहे.
- सहा महिन्यापासून नियमित व्यायाम करणाऱ्यांसाठी तासाभराची वर्कआऊट पुरेशी आहे.
- ३०-४० मिनिटात २०० ते २५० ग्रॅम कॅलरी जाळली जाते तर, तासाभराच्या वर्कआऊटमध्ये ५०० ग्रॅम कॅलरी बर्न हाेते.
- स्टेराॅईडसारखे रासायनिक घेण्याची अजिबात गरज नाही व घेऊही नये. गरजेप्रमाणे प्राेटीन पावडर घ्यावे. ते लाभदायकच आहे.
- दरराेज तासभर वर्कआऊट केल्यास ऊर्जा आणि राेगप्रतिकारशक्ती वाढण्यास मदत हाेते. हृदय कार्य करण्याची क्षमता वाढते.