लोकमत न्यूज नेटवर्क
उमरेड : उपविभागात समाज मोठ्या प्रमाणावर असून, अद्यापपावेतो कोणत्याही प्रकारच्या सोयीसुविधा उपलब्ध होऊ शकल्या नाही, अशी कैफियत व्यक्त करीत विद्यार्थ्यांकरिता वसतिगृह आणि अभ्यास केंद्र हवे आहे, अशी मागणी उमरेड येथील प्रांतिक तैलिक महासभेत करण्यात आली.
पंडित दीनदयाल उपाध्याय नाट्य सभागृहात आयोजित स्नेहमिलन तथा सत्कार कार्यक्रमाच्या अध्यक्षस्थानी वर्धा येथील खासदार रामदास तडस होते. यावेळी माजी नगराध्यक्ष गंगाधर रेवतकर, बळवंत मोरघडे, सुभाष घाटे, अतुल वांदिले, प्रवीण बावनकुळे, नामदेव लाडेकर, नयन झाडे, सुषमा लाखे, श्रीहरी सातपुते, प्रशांत ईखार, मंजू कारेमोरे, अरुण हटवार, मंगेश सातपुते आदींची उपस्थिती होती.
यावेळी मुख्याधिकारी राजेश भगत, महिला उद्योजिका शीतल वांदिले, डॉ. राजेंद्र पडोळे यांचा सत्कार करण्यात आला. कार्यक्रमाचे प्रास्ताविक जगदीश वैद्य यांनी केले. कार्यक्रमाचे संचालन नंदिनी वासूरकर यांनी केले. पुष्कर डांगरे यांनी आभार मानले. अमित लाडेकर, आकाश लेंडे, प्रदीप कुलरकर, सुधाकर पडोळे, चेतन पडोळे, गीता आगासे, पोपेश्वर गिरडकर, ऋषी गवळी, संजय घुग्घुसकर, लता बेले, सुरेखा गोल्लर, रेणुका कामडी, प्रफुल्ल बानकर, किरण हटवार आदींनी सहकार्य केले.