योगेश पांडे - नागपूरनागपूर : नागपूर महानगरपालिका निवडणूकीत झालेल्या कमी मतदानामुळे राजकारण तापू लागले आहे. पुर्व नागपुरातील भाजपचे आमदार कृष्णा खोपडे यांनी थेट निवडणूक आयुक्तांवरच टीका केली आहे. बेजबाबदार आयुक्तांमुळेच मतदार यादीचा घोळ झाला असून इतके कमी मतदान होणे ही लाजीरवाणी बाब असल्याची टीका खोपडे यांनी केली आहे.
मनपा निवडणुकीत मताची टक्केवारी घसरणे, मतदार याद्यांमधीळ घोळ, एकाच कुटुंबातील नावे वेगवेगळे बूथ व बाहेरील प्रभागात समाविष्ट करणे असे प्रकार झाले. निवडणूक आयुक्तांनी मतदार यादीवर घेतलेले आक्षेप फेटाळण्यात आले. त्यामुळे मतदार यादीत घोळ झाला व नागरिकांना मन:स्ताप सहन करावा लागला. मतदान केंद्राच्या आत बसलेले सरकारी अधिकाऱ्यांकडील मतदार यादी व केंद्राच्या बाहेरील याद्यांमध्ये तफावत होती. या घोळात अनेक मतदार मतदानापासून वंचित राहिले.
या निवडणुकीत मतदारांची मोठी गैरसोय झाली. मतदार यादी अपडेट न झाल्यामुळे मताची टक्केवारी कमी झाली आहे. त्यामुळे निवडणूक आयुक्तांच्या कार्यप्रणालीवर प्रश्नचिन्ह निर्माण झालेले आहे. या घोळाला निवडणूक आयुक्त पूर्णत: जबाबदार असल्याचा आरोप खोपडे यांनी लावला.
Web Summary : MLA Khopde criticizes the Election Commission for voter list irregularities in Nagpur, leading to low voter turnout in the municipal elections. He alleges negligence and demands accountability for the widespread voter inconvenience and discrepancies.
Web Summary : विधायक खोपड़े ने नागपुर में मतदाता सूची में अनियमितताओं के लिए चुनाव आयोग की आलोचना की, जिसके कारण नगरपालिका चुनावों में कम मतदान हुआ। उन्होंने लापरवाही का आरोप लगाया और व्यापक मतदाता असुविधा और विसंगतियों के लिए जवाबदेही की मांग की।