त्याला आईने दिला पुन्हा जन्म

२० वर्षांपूर्वी त्याला जन्न देताना तिने मरणयातना सोसल्या. प्राणांतिक प्रसवकळा अनुभवत त्याला जन्म दिला.

किडनी दिली : सुपरमध्ये पाचवे प्रत्यारोपण यशस्वीनागपूर : २० वर्षांपूर्वी त्याला जन्न देताना तिने मरणयातना सोसल्या. प्राणांतिक प्रसवकळा अनुभवत त्याला जन्म दिला. आज २० वर्षानंतर मरणाच्या दारात पोहचलेल्या आपल्या पोटच्या गोळ्याला तिने पुन्हा परत आणले. स्वत:ची किडनी देऊन एकप्रकारे त्याला पुन्हा जन्म दिला. ही करुण कहाणी आहे एका गरीब मातेच्या मातृत्त्वाची, तिच्या त्यागाची. आईच्या त्यागापुढे तिच्या वात्सल्यापुढे जगात कशाचाही तुलना होऊ शकत नाही. त्याचा प्रत्यय गुरुवारी स्थानिक सुपर स्पेशालिटी हॉस्पीटलमधील डॉक्चर, कर्मचाऱ्यांनी अनुभवला. साऱ्यांच्याच डोळ्यात अश्रू तरळून आले. गुरुवारी सुपर स्पेशालिटी हॉस्पिटलमध्ये आईने दिलेल्या किडनीचे यशस्वी प्रत्यारोपण झाले. सुपरमधले हे पाचवे यशस्वी किडनी प्रत्यारोपण आहे. मुलाला मृत्यूच्या दाढेतून ओढून आणणाऱ्या आईचे नाव आहे सुनंदा गौतम माटे (४०), तर मुलाचे नाव सुशान्स माटे (२०) आहे. हे कुटुंब मूळ परसोडी, पोस्ट खापरी, तहसील पवनी जिल्हा भंडारा येथील आहे. परंतु त्यांचे गाव गोसेखुर्द धरणात आल्याने त्यांना नागपूर शहराचा आश्रय घ्यावा लागला. गेल्या काही वर्षांपासून कुशीनगर जरीपटका येथे हे माटे कुटुंब निवासाला आहे. सुशान्सचे वडील गौतम माटे हातमजुरी करतात. घरची आर्थिक स्थिती बेताचीच. यातच तरुण मुलाला किडनीचा आजार झाल्याने या कुटुंबावर संकट कोसळले होते. गेल्या वर्षभरापासून सुपर स्पेशालिटी हॉस्पिटलमध्ये सुशान्सवर डायलिसीस सुरू होते. डॉक्टरांनी किडनी दानाच्या संदर्भात सुशान्सच्या आई व वडिलांना माहिती दिली होती. राजीव गांधी जीवनदायी योजनेतून मदतनागपूर : तपासणीत आईचे आणि मुलाचे रक्तगट सारखेच, ‘ए पॉझिटिव्ह’ निघाले. आईने किडनी दान करून मुलाला वाचवण्याचा निश्चय केला. यात राजीव गांधी जीवनदायी आरोग्य योजना मदतीला धावून आली. किडनी प्रत्यारोपणासाठी येणारा सर्व खर्च या योजनेतून करण्यात आला. मेडिकलचे अधिष्ठाता डॉ. अभिमन्यू निसवाडे व सुपर स्पेशालिटी हॉस्पिटलचे विशेष कार्य अधिकारी डॉ. मनीष श्रीगिरीवार यांनी किडनी युनिट उभारण्याचे प्रयत्न केल्यामुळेच सुपरमध्ये हे शक्य झाले आहे.(प्रतिनिधी)किडनी रुग्णांना फायदादिवसेंदिवस सुपर स्पेशालिटी हॉस्पिटलमध्ये किडनी रुग्णांची संख्या वाढत आहे. याला घेऊनच किडनीचा स्वतंत्र वॉर्ड सुरू करण्याचा प्रस्ताव शासनाकडे पाठविण्यात आला होता. त्याला मंजुरी मिळाल्याने २० खाटांचा हा वॉर्ड सुरू झाला आहे. लवकरच सहयोगी प्राध्यापक व दोन वरिष्ठ निवासी डॉक्टर उपलब्ध होतील. हा वॉर्ड नसल्याने येथील रुग्णांना मेडिकलमध्ये उपचारासाठी जावे लागत होते. याशिवाय ‘युरोलॉजी’ विभागाचे शस्त्रक्रिया गृह ‘मॉड्यूलर’ करणे सुरू आहे. याला आणखी दोन महिन्याचा कालावधी आहे. त्यानंतर किडनी ट्रान्सप्लांट याच शस्त्रक्रिया गृहात होईल. -डॉ. मनीष श्रीगिरीवार, विशेष कार्य अधिकारी, सुपर स्पेशालिटी हॉस्पिटल