हिंगणा : चारा खात असलेल्या शेळीला भल्या माेठ्या अजगराने पकडले. काही वेळाने सर्पमित्राच्या मदतीने त्या शेळीला अजगराच्या तावडीतून साेडविण्यात आले. मात्र, ताेवर ती मृत्युमुखी पडली हाेती. ही घटना हिंगणा तालुक्यातील खडका शिवारात मंगळवारी (दि. ११) दुपारी घडली.
हमीद गुलाब शेख (रा. खडका, ता. हिंगणा) हे शेळीपालन व्यवसाय करीत असल्याने ते त्यांच्या शेळ्या नेहमीप्रमाणे गुमगाव मार्गालगतच चारत हाेते. काही वेळातच कळपातील शेळ्यांनी ओरडायला सुरुवात केली. त्यामुळे शेळ्या का ओरडत आहे, हे बघण्यासाठी हमीद शेख कळपाच्या दिशेने गेले. तेव्हा त्यांना भल्या माेठ्या अजगराने शेळीला घट्ट पकडले असल्याचे आढळून आले. त्यांनी या अजगराची माहिती ग्रामस्थांना दिली. ग्रामस्थांच्या सूचनेवरून सर्पमित्र रितिक शेटे याने घटनास्थळ गाठले व शेळीला कसेबसे अजगराच्या तावडीतून साेडविले. ताेपर्यंत शेळीचा मृत्यू झाला हाेता. त्यानंतर वन विभागाच्या कर्मचाऱ्यांनी अजगराला ताब्यात घेऊन जंगलात साेडले.