वाडी : मुरुम भरलेल्या भरधाव ट्रकने दुचाकीला जाेरदार धडक दिली. त्यात दुचाकीस्वार दाम्पत्य जखमी झाले. ही घटना लाव्हा-बाेढारा मार्गावरील लाव्हा चाैक परिसरात साेमवारी (दि.३०) दुपारी १२ वाजताच्या सुमारास घडली. जखमींना वाडीतील वेलट्रीट हाॅस्पिटलमध्ये भरती केले असून, त्यांच्यावर उपचार सुरू आहेत.
सूर्यभान राघाेजी ढाेक (५५) व त्यांची पत्नी लीलाबाई सूर्यभान ढाेक (५०) असे जखमी दाम्पत्याचे नाव आहे. सूर्यभान ढाेक हे आपल्या पत्नीसह एमएच-४०/एव्ही-५१७० क्रमांकाच्या ॲक्टिव्हा दुचाकीने जात असताना लाव्हा चाैकातील डीपीजवळ खडगाव खदानीतून मुरुम वाहतुकीच्या एमएच-४०/एके-७७१९ क्रमांकाच्या भरधाव ट्रकने त्यांच्या दुचाकीला धडक दिली. त्यात दाम्पत्य जखमी झाले.
लाव्हा-खडगाव मार्गावर खदानी असल्यामुळे या मार्गाने ट्रकची सतत वर्दळ सुरू असते. त्यामुळे या मार्गावर गतिराेधक लावणे गरजेचे आहे. या मार्गावर गतिराेधक बसविण्याच्या मागणीसाठी माजी जि. प. सदस्य सुजित नितनवरे यांनी बांधकाम विभाग-२ चे कार्यकारी अभियंता कुच्चेवार यांना निवेदन साेपविले. यावेळी सरपंच ज्योत्स्ना नितनवरे, माजी सरपंच रॉबीन शेलारे, प्रकाश डवरे, राजकुमार बोरकर, यादव इंगळे, नंदलाल नितनवरे, भारत नितनवरे, प्रमोद इंगळे, संजय सावकर, गणेश पंडित, आकाश चाेखांदे, ऋषी धाेंगडे, गंगाधर करंडे आदी उपस्थित होते.