कळमेश्वर : तीन दिवसांपासून बेपत्ता असलेल्या व्यक्तीचा मृतदेह आढळल्याने परिसरात खळबळ उडाली आहे. हा मृतदेह कळमेश्वर पाेलीस ठाण्याच्या हद्दीतील सावंगी शिवारात बुधवारी (दि. २०) आढळून आला.
पसंत पुसदकर (५१, रा. सावंगी, ता. कळमेश्वर) असे मृताचे नाव आहे. ते मंगळवारी (दि. १९) सायंकाळी सावंगी शिवारातील सावरकर यांच्या शेतात बैल आणायला गेले हाेते. मात्र, रात्री उशिरापर्यंत घरी आले नाही. त्यामुळे कुटुंबीयांनी त्यांचा शाेध घेतला. ते कुठेही आढळून न आल्याने त्यांचा मुलगा बादल पुसदकर यांनी मंगळवारी कळमेश्वर पाेलीस ठाण्यात ते बेपत्ता असल्याची तक्रार नाेंदविली हाेती. दरम्यान, बुधवारी त्यांना मृतदेह आढळून आल्याने खळबळ उडाली. माहिती मिळताच पाेलिसांनी घटनास्थळ गाठून मृतदेह उत्तरीय तपासणीसाठी कळमेश्वर येथील ग्रामीण रुग्णालयात आणला. त्यांच्या मृत्यूचे कारण उत्तरीय तपासणी अहवाल प्राप्त झाल्यानंतर स्पष्ट हाेणार असल्याचे ठाणेदार आसिफराजा शेख यांनी सांगितले. याप्रकरणी कळमेश्वर पाेलिसांनी अकस्मात मृत्यूची नाेंद करून तपास सुरू केला आहे.