सोन्यात मोठी घसरण, चांदी झाले ३२ हजारांनी स्वस्त; गुंतवणुकीसाठी योग्य वेळ आहे का?

Nagpur : जागतिक बाजारपेठेतील घडामोडींचा मोठा परिणाम गुरुवारी सराफा बाजारावर दिसून आला. बुधवारी ऐतिहासिक उच्चांकावर पोहोचलेले सोने आणि चांदीचे भाव गुरुवारी अनपेक्षितपणे कोसळले.

नागपूर : जागतिक बाजारपेठेतील घडामोडींचा मोठा परिणाम गुरुवारी सराफा बाजारावर दिसून आला. बुधवारी ऐतिहासिक उच्चांकावर पोहोचलेले सोने आणि चांदीचे भाव गुरुवारी अनपेक्षितपणे कोसळले. एकाच दिवसात सोन्याच्या दरात ७ हजार रुपयांची, तर चांदीत तब्बल ३२ हजार रुपयांची मोठी घसरण झाल्याने ग्राहकांना काहीसा दिलासा मिळाला आहे.

गुरुवारी २४ कॅरेट सोन्याचे भाव ३ टक्के जीएसटीसह १,५८,१०० रुपये आणि प्रति किलो चांदी २,६३,१६० रुपयांपर्यंत कमी झाली. नागपूर हे सोन्याच्या व्यापाराचे मोठे केंद्र असल्याने, अचानक झालेल्या या घसरणीमुळे सराफा बाजारात मोठी चर्चा सुरू झाली आहे. लग्नसराईचा हंगाम जवळ येत असल्याने दर कमी झाल्याचा फायदा ग्राहकांना घेता येईल. मात्र, बाजारातील ही अस्थिरता पाहता गुंतवणूकदार आता ‘वाट पाहा आणि मगच खरेदी करा’ अशी भूमिका घेताना दिसत आहेत.

जीएसटीसह सोने-चांदीच्या भावाचा तक्ता :

दिनांक           सोने                    चांदी
२ फेब्रु.        १,५३,७८०            २,७२,८५०
३ फेब्रु.        १,५५,८५०            २,६९,४५०
४ फेब्रु.        १,६५,१००            २,९५,७००
५ फेब्रु.        १,५८,१००            २,६३,१६०