लाेकमत न्यूज नेटवर्क
रामटेक : घरफाेडी करणारा तसेच पर्यटकांना लुटणाऱ्या अट्टल चाेरट्यास स्थानिक गुन्हे शाखेच्या पथकाने कवलेवाडा (जिल्हा भंडारा) येथून अटक केली. त्याच्याकडून २२ हजार रुपयाचे साहित्य जप्त केले, अशी माहिती स्थानिक गुन्हे शाखेचे पाेलीस निरीक्षक अनिल जिट्टावार यांनी दिली. ही कारवाई शनिवारी (दि. १३) करण्यात आली.
कामेश ऊर्फ सन्नाटा ऊर्फ मन्या सरेंद्रजन बंधू (२८, रा. कवलेवाडा टाेला, जिल्हा भंडारा) असे अटक करण्यात आलेल्या चाेरट्याचे नाव आहे. काही दिवसापूर्वी रामटेक शहरातील सेलिब्रेशन हाॅलच्या गाेदामातून साऊंड सिस्टीमचे एम्प्लीफायर मशीन चाेरीला गेल्याची तसेच गडमंदिर परिसरात फिरायला आलेल्या जाेडप्याला चाकूचा धाक दाखवून त्यांच्याकडील दाेन माेबाईल हिसकावून नेल्याची घटना घडली हाेती. या प्रकरणांमध्ये रामटेक पाेलिसांनी गुन्हा नाेंदवून तपास सुरू केला. शिवाय, स्थानिक गुन्हे शाखेनेही या घटनांचा समांतर तपास सुरू केला.
ही चाेरी कामेशने केल्याचे तसेच ताे कवलेवाडा येथे असल्याची माहिती स्थानिक गुन्हे शाखेच्या पथकाला मिळाली हाेती. त्यामुळे स्थानिक गुन्हे शाखेच्या पथकाने कवलेवाडा गाठून त्याला शिताफीने ताब्यात घेत अटक केली. शिवाय, त्याने या चाेऱ्या केल्याचे तसेच एम्प्लीफायर मशीन तीन हजार रुपयात नीलेश मनाेहर परसमाेड, रा. मनसर याला विकल्याचे पाेलिसांना सांगितले. पाेलिसांनी ती मशीन जप्त केली असून, ती २२ हजार रुपयाची असल्याचे सांगितले.
त्याच्याकडून चाेरीच्या इतर घटना उघड हाेण्याची शक्यता स्थानिक गुन्हे शाखेचे पाेलीस निरीक्षक अनिल जिट्टावार यांनी व्यक्त केली आहे. याप्रकरणी रामटेक पाेलिसांनी भादंवि ४६१, ३८०, ३९४ अन्वये गुन्हा नाेंदविला आहे. ही कामगिरी स्थानिक गुन्हे शाखेचे पाेलीस उपनिरीक्षक सचिन मत्ते, हवालदार ज्ञानेश्वर राऊत, दिनेश आधापुरे, शैलेश यादव, अमाेल वाघ, विपीन गायधने, नम्रता बघेल यांच्या पथकाने केली.