मालेगाव (नाशिक) : मालेगाव महापालिका निवडणुकीत सर्वाधिक ४० जागांवर विजय मिळविणाऱ्या इस्लाम आणि समाजवादी पार्टी यांच्या मालेगाव सेक्युलर फ्रंटने बहुमतासाठी लागणारी ४३ ही मॅजिक फिगर गाठण्यासाठी राजकीय हालचाली गतिमान केल्या असून, शहराच्या विकासाच्या मुद्द्यावर शिंदेसेनेसह एमआयएम यांच्याकडे बिनशर्त पाठिंबा देण्यासाठी प्रस्ताव पाठविल्याची माहिती सूत्रांनी दिली आहे.
निवडणूक निकालानंतर कोणती नवीन राजकीय समीकरणे उदयास येतात याबाबत आता सर्वांची उत्सुकता ताणली गेली आहे. दरम्यान, महापौरपद पूर्वला आणि उपमहापौरपद पश्चिमला हा गेल्यावेळचा फॉर्म्युला यावेळी पुन्हा राबविला जाण्याचीही दाट शक्यता वर्तविली जात आहे. महापालिका निवडणुकीत सर्वाधिक ३५ जागा जिंकून 'इस्लाम' हा सर्वांत मोठा पक्ष ठरला आहे.
शिंदेसेनेला इस्लाम व एमआयएम या दोन्ही पक्षांकडून प्रस्ताव आले आहेत, तर दादा भुसे हे उपमुख्यमंत्री एकनाथ शिंदे यांच्याशी चर्चा करून कोणासोबत सत्तेत सहभागी व्हायचे हे निश्चित करतील- अॅड. संजय दुसाने, जिल्हाप्रमुख, शिंदेसेना, मालेगाव ग्रामीण
कोणत्याही स्थितीत सांप्रदायिक पक्षांशी युती केली जाणार नाही. 'इस्लाम' सोबत बिनशर्त चर्चा करणे कठीण आहे- मौलाना मुफ्ती मोहम्मद, आमदार, मालेगाव मध्य
Web Summary : Islam Party, winning 40 seats, proposes unconditional support to Shinde Sena and MIM for Malegaon's development. Shinde Sena will decide after discussing with Eknath Shinde. Alliances with communal parties are unlikely.
Web Summary : 40 सीटें जीतने वाली इस्लाम पार्टी ने मालेगांव के विकास के लिए शिंदे सेना और एमआईएम को बिना शर्त समर्थन का प्रस्ताव दिया। शिंदे सेना एकनाथ शिंदे के साथ चर्चा के बाद फैसला करेगी। सांप्रदायिक दलों के साथ गठबंधन की संभावना नहीं है।