राष्ट्रवादी काँग्रेसचे अध्यक्षपद प्रफुल्ल पटेल यांच्याकडे दिले? सुनील तटकरे यांनी स्पष्टच सांगितलं

खासदार प्रफुल्ल पटेल यांची राष्ट्रवादी काँग्रेसच्या राष्ट्रीय अध्यक्षपदी नियुक्ती करण्यात आल्याची माहिती भाजपा नेते पियुष गोयल यांनी दिली, यामुळे राजकीय वर्तुळात खळबळ उडाली.

उपमुख्यमंत्री अजित पवार यांचे विमान अपघातात निधन झाले. या निधनानंतर राज्यात खळबळ उडाली. दरम्यान, आता राष्ट्रवादी काँग्रेसचे राष्ट्रीय अध्यक्षपद कोणाकडे जाणार या चर्चा सुरू आहेत. दरम्यान, आज राष्ट्रवादी काँग्रेसच्या अध्यक्षपदी प्रफुल्ल पटेल यांची नियुक्ती करण्यात आल्याची माहिती समोर आली. भाजपा नेते पियुष गोयल यांनी याबाबत विधान केले. या विधानानंतर राजकीय वर्तुळात खळबळ उडाली. दरम्यान, आता यावर खासदार सुनील तटकरे यांनी प्रतिक्रिया दिली.

"पायलट इतक्या वेळा का बदलला?, सहा जण होते तर... ", अजित पवार विमान अपघाताबद्दल अमोल मिटकरींचे खळबळजनक प्रश्न

पटेल यांच्या निवडीवरून बोलताना तटकरे म्हणाले, असा कोणताही निर्णय झालेला नाही. पियुष गोयल काय बोलले हे मी ऐकलेलं नाही, असंही तटकरे म्हणाले.काल महाराष्ट्र नव निर्माण सेनेचे अध्यक्ष राज ठाकरे यांनी सोशल मीडियावर पोस्ट करून 'राष्ट्रवादी काँग्रेसचे अध्यक्ष हा पाटील असावा पटेल नाही',म्हटले होते. यावर बोलताना सुनील तटकरे म्हणाले, 'राज ठाकरेंनी काय बोलावे हा त्यांचा अधिकार आहे. आम्ही एकत्रित बसून पक्षाच्या कार्यकर्त्यांच्या आमदारांच्या भावना या लक्षात घेऊन निर्णय घेऊ, असंही त्यांनी सांगितले.

"आम्ही आमच्या पक्षाचा राज्यसभेचा उमेदवार कोण करायचा तो आमचा अधिकार आहे. भाजपने आमच्या पक्षाला नेहमी सहकार्य केले आहे. याबाबतीत कधीही त्यांनी आम्हाला सूचना केल्या नाहीत. यापूर्वीसुद्धा पक्षाचे मंत्रिमंडळ करताना, पक्षाचे इतर काही निर्णय करत असताना भाजपने आम्हाला कधी काही सूचना केल्या नाहीत, असंही तटकरे म्हणाले.

तटकरे म्हणाले, मित्रपक्षाला सन्मानाने कसे वागवावे याचे उत्तम उदाहरण आम्हाला एनडीएमध्ये भाजपाच्या नेतृत्वाखाली अनुभवायला मिळत आहे. युपीए असताना काय परिस्थिती होती ती मी अनुभवली आहे, असंही तटकरे म्हणाले.