शरद पवारांसाठी बाप-बेटे मैदानात! जयंत पाटील मुंबईत तर प्रतीक पाटील कराडमध्ये!!

अजित पवारांनी वेगळी वाट निवडल्यावर शरद पवारांचे कराडमध्ये शक्तीप्रदर्शन

Sharad Pawar Jayant Patil Prateek Patil | मुंबई, कराड: राज्यात एकनाथ शिंदे आणि देवेंद्र फडणवीस यांच्यात नेतृत्वाखालील सरकार आहे. या सरकारमधील शिवसेना खरी की ठाकरे यांच्याकडची शिवसेना खरी याबाबत वर्षभरापासून वेगवेगळे मतमांततरे पाहायला मिळत आहेत. याच दरम्यान आता राज्यात राजकारणाला नवी कलाटणी मिळाली. राष्ट्रवादी काँग्रेसमधील अजित पवार बऱ्याच आमदारांना सोबत घेऊन सत्तेत सामील झाले. रविवारी अजितदादांसह ९ मंत्र्यांचा शपथविधी पार पडला. या अभूतपूर्व राजकीय भूकंपानंतर राष्ट्रवादी काँग्रेस पक्षाचे राष्ट्रीय अध्यक्ष शरद पवार आज कराड येथे यशवंतराव चव्हाण यांच्या स्मृती स्थळाला भेट देत शक्तीप्रदर्शन केले. पक्षाच्या या संघर्षाच्या काळात पक्षासाठी एक बाप-बेटे मैदानात उतरल्याचे दिसून आले ते म्हणजे, जयंत पाटील आणि प्रतीक पाटील.

#WATCH | NCP's Maharashtra president Jayant Patil, says "We have sent a petition to the Assembly speaker last night. We requested him to hear us. Our party's strength in the Assembly is 53, of which 9 have defected, the rest all are with us. We will give them a fair chance to… pic.twitter.com/pAr9ngSewU

— ANI (@ANI) July 3, 2023

राष्ट्रवादी काँग्रेस पक्षाचे प्रदेशाध्यक्ष जयंत पाटील कालपासून मुंबईत तळ ठोकून बसले आहेत तर त्यांचे पुत्र प्रतीक पाटील हे शरद पवार यांच्या समर्थनार्थ कराड येथे दाखल झाले आहेत. शरद पवार यांच्यासह कराड येथे आमदार रोहित पवार, आर आर पाटील यांचे चिरंजीव रोहित पाटील, आमदार बाळासाहेब पाटील, आमदार मकरंद पाटील आणि पक्षाचे इतर प्रमुख पदाधिकारीही उपस्थित आहेत. जयंत पाटील मुंबई येथे थांबून सर्व गोष्टींवर बारीक लक्ष ठेवत आहेत व येणाऱ्या काळाची व्यूहरचना आखत आहेत. त्यामुळे पिता-पुत्र एकत्रपणे शरद पवारांच्या पाठीशी दिसले.

POLL

कोणता राजकीय पक्ष येत्या काळात महाराष्ट्राला सर्व आघाड्यांवर पुढे घेऊन जाऊ शकतो, असं तुम्हाला वाटतं?

भाजपाशिवसेनाशिवसेना (उद्धव बाळासाहेब ठाकरे)काँग्रेसराष्ट्रवादी काँग्रेसमहाराष्ट्र नवनिर्माण सेनावंचित बहुजन आघाडीआम आदमी पार्टीभारत राष्ट्र समितीअन्य

भाजपा (29005 votes)

शिवसेना (3598 votes)

शिवसेना (उद्धव बाळासाहेब ठाकरे) (28422 votes)

काँग्रेस (7048 votes)

राष्ट्रवादी काँग्रेस (9798 votes)

महाराष्ट्र नवनिर्माण सेना (11906 votes)

वंचित बहुजन आघाडी (11579 votes)

आम आदमी पार्टी (3454 votes)

भारत राष्ट्र समिती (2029 votes)

अन्य (1492 votes)

Total Votes: 108331

VOTEBack to voteView Results